احساس ایک افسانوی حقیقت

۔۔۔۔ ۔۔بہ شکریہ انور حسین ماگرے ۔۔۔۔۔۔۔۔۔۔

دفتر کے قریب فٹ پاتھ پر بیٹھے اس بوڑھے سے آتے جاتے جوتے پالش کروانا اس کا معمول تھا، مگر عجیب بات جو میں گزشتہ کئی دنوں سے نوٹ کر رہا تھا وہ یہ تھی کے وہ ھر بار جوتا پالش کروانے کے بعد اس بزرگ سے الجھتا کے پالش ٹھیک نہیں کی سو دوبارہ کرو، اور حیرت کی بات یہ کہ دو بار پالش کروانے کا معاوضہ بھی دو بار ادا کرتا، جبکہ جوتا وہ محنتی بزرگ پہلی بار بھی بہت اچھے سے چمکاتا...میرے دوست کے اعتراض پر وہ ہلکی سی مسکراہٹ کے ساتھ جوتے پھر سے پالش کر کے اپنائیت سے اس کے پاؤں میں پہناتا... میں نے آج اپنے دوست سے اسکے اس فعل کی وجہ پوچھی تو وہ گویا ہوا !
"جو شخص اس عمر میں محنت سے کما رہا ھو وہ بہت خودار ھوتا ھے، میں اسکی محنت کا ڈبل معاوضہ دینے کی خاطر جھوٹ موٹ کا نقص نکالتا ھوں تاکہ اسکی کچھ مدد ھو سکے "
میں اپنے دوست کی سوچ سے متاثر ھوئے بغیر نا رہ سکا۔۔۔۔۔۔۔۔۔۔۔۔۔۔۔۔۔۔
آج دفتر سے واپسی پر میں اکیلا تھا... فٹ پاتھ کے قریب سے گزرا تو دیکھا کہ اس بزرگ کی بوڑھی نگاھیں میرے ساتھ میرے دوست کو تلاش رہی ھیں ، میں پلٹ کر اسکے پاس گیا اور کہا :
"آج آپ میرے جوتے پالش کر دیں...پالش ھوئے جوتے پاؤں میں ڈالتے وقت میں نے جیب سے 5 روپے کا سکہ بوڑھے کیطرف بڑھایا تو وہ سکہ دیکھ کر بولا
"بیٹا 5 نہيں 10 روپے معاوضہ لیتا ھوں پالش کا"
میں نے حیرت سے پوچھا:
"مگر میرے دوست سے تو آپ روز ایک بار پالش کے 5 روپے لیتے ھیں جبکہ وہ ھمیشہ پہلی بار آپکی محنت پر اعتراض بھی کرتا ھے"
بزرگ نے مسکراتے ھوئے میری طرف دیکھا اور جواب دیا :
میں جانتا ھوں تمہارا دوست پہلی بار اعتراض اس لئے کرتا ھے تاکہ وہ دوسری بار جوتا پالش کروا کر مجھے دوہری اجرت دے کر میری کچھ مدد کر سکے ، اور اسی لیے میں اس سے پہلی بار میں آدھی اجرت وصول کر تا ھوں "
بوڑھے کا جواب سن کر میں نے 10 رویے اسکی ہتھیلی پر رکھتے ھوئے حیرت بھری مسکراہٹ کیساتھ اسکی آنکھوں میں جھانکا ، جن میں خوداری کی چمک کیساتھ ساتھ احساس کا رنگ بھی نمایاں تھا،بےشک احساس ایک ایسا انجان رشتہ ھے جو احساس کی ڈور سے ھی جڑا ھو ھے
اللہ پاک ہم سب کو اس طرع کے کام کرنے کی توفیق دیں آمین ثمہ آمین ۔۔۔۔۔۔