محشرستان مکمل کتاب ( اردو شاعری)

محشرِستان

غلام حسین محب   
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

                                                                                                                                                                                                                                      

بسم اللہ الرحمان الرحیم

جملہ حقوق محفوظ ہیں

۔۔۔۔۔۔۔۔۔۔۔۔۔۔۔۔۔۔۔

کتاب ۔۔۔۔۔۔۔۔۔................۔ محشرستان

شاعر۔۔۔۔۔۔۔۔۔................۔غلام حسین مح ب

کمپوزر۔۔۔۔۔۔۔۔۔................غلام حسین مح ب

ڈیزائننگ۔۔۔۔۔۔۔...............۔ شاہ محمود خان مہمند

1000تعداد ۔۔۔۔۔۔۔۔۔۔..............۔ٓٓٓٔ

سال اشاعت۔۔۔۔۔۔۔.......۔۔۔۔مارچ، 2018 

قیمت۔۔۔۔۔۔۔۔۔۔۔۔۔۔۔۔۔۔ 150روپے

ملنے کے پتے : (ٔ1) مرکزی مومند پریس کلب غلنئی مہمند ایجنسی

(ٕ2) یونیورسٹی بک ایجنسی خیبر بازار پشاور

۔۔۔۔۔۔۔۔۔۔۔۔۔۔۔۔۔۔۔۔۔

03459419313/ 03088041661    ;رابطہ
..................................................................

انتساب

۔۔۔۔۔۔۔۔۔۔۔۔۔۔۔

اردو شاعری کے امام ’’مرزا غالب ‘‘ کے نام 
جن کی شاعری وقت گزرنے کے ساتھ ساتھ نکھرتی رہی

ہے

۔۔۔۔۔۔۔۔۔۔۔۔۔۔۔۔۔۔۔۔

؂ دل ہوائے خرام ناز سے پھر

محشرستانِ بے قراری ہے

غلام حُسین محب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شاعرِ محشرِستان

۔۔۔۔۔۔۔۔۔۔۔۔۔۔۔۔

اگرشاگرد کے بارے میں استاد سے پوچھا جائے تو وہ بہت اچھے طریقے سے اُس کے بارے میں اظہارِ

خیال کرسکتا ہے کیونکہ استاد کسی شاگرد کی خوبیوں اور خامیوں سے خوب واقف ہوتا ہے لیکن اگر یہ

کام استاد کے حوالے سے شاگرد کے ذمے ہو جائے تو صورتِ حال بالکل برعکس ہوتی ہے۔اور اس

مشکل میں مَیں اس وقت پڑ گیا جب غلام حسین محب نے مجھے اپنی اردو شاعری پر لکھنے کو کہا۔وہ

میرا اُستاد ہے اور میری دونوں کتابوں پر تبصرے لکھ چکا ہے میرے لیے یہ کام اس حوالے سے مشکل

تھا کہ استاد کے بارے میں شاگرد کیسے لکھ سکتا ہے۔ کیونکہ استاد کے حکم کی تعمیل بھی کرنی ہوتی

ہے لیکن میں نے اپنے آپ کو یہ تسلی دیکر دل بڑا کیا کہ استادی شاگردی کے علاوہ ہم اچھے دوست اور

تنظیمی ساتھی بھی رہے ہیں، اس لیے لکھنے کاحوصلہ ملا۔

اگرہم یہ نہ بھی کہیں کہ غلام حسین محب ایک اچھے شاعر اور ادیب ہیں تو سارے لوگ اسے ایک

اچھے شاعر اور ادیب کے طور پر جانتے ہیں۔نہ صرف علاقائی اور

ملکی سطح پر بلکہ دوسرے ملکوں کے ادبی دورے بھی کرچکا ہے۔جس کی وجہ سے وہ ایک بین

الاقوامی ادبی شخصیت ہیں۔ان کی چھ کتابیں پشتو ادب کے لیے ایک بڑا کام اور اضافہ ہیں۔مومند ایجنسی

کی ادبی تاریخ میں پہلی باقاعدہ ادبی تنظیم

’’ مہمندادبی غنچہ‘‘کا بانی ہے جو گزشتہ 38 سالوں سے شعراء کی ادبی تربیت او ر ادب کی ترقی کے

لیے کردار ادا کر رہی ہے۔غلام حسین محب پشتو کی خدمت تو مادری زبان کی حیثیت سے کر ہی رہے

ہیں لیکن اردو شاعری کا یہ مجموعہ قومی زبان سے محبت اور خدمت کا ثبوت ہے۔ اردو ادب میں پہلے

ہی سے پشتو شعراء اور ادیبوں نے نام اور مقام پیدا کیا ہے۔ اور میں یقین سے کہتا ہوں کہ غلام حسین

محب کا یہ کارنامہ اردو ادب میں اضافے کے ساتھ ساتھ اردو ادب میں پشتونوں کے تاریخی کردار کا بھی

تعین کرے گا۔وہ انسانیت کے شاعر ہیں اور انسانیت ہی کو سب سے پہلے اور اہم سمجھتے ہیں۔وہ اس

شیخی اور مسلمانی سے بالکل بیزار ہیں جو محض عبادت کو اسلام سمجھتا ہے اور انسانیت ، معاشرت

اور معاملات کو اہمیت نہیں دی جاتی۔ایک شعر میں واضح طور پربیان کرتا ہے۔

عقیدہ یہ ہے کہ انسان کو انساں سمجھے

یہی نہیں کہ عقیدت رکھے مدینے سے

غلام حسین محب کبھی تصور کو رنگوں کا لباس پہنا کر تصویر کی شکل میں پیش کرتا ہے اور کبھی

اپنے خیالات کو الفاظ کا جامہ پہنا کر شعر میں ڈھالتا ہے۔وہ رنگوں کا شاعر بھی ہیں اور لفظوں کا

مصور بھی وہ حسن و جمال کو جس صورت میں بھی دیکھتا ہے یا محسوس کرتا ہے تو اس کی تصویر

کشی کا ہنر جانتا ہے۔اس وجہ سے ہم ان کو حسن و جمال کا شاعرکہہ سکتے ہیں۔محبت انکی فطرت میں

شامل ہے حُسن ان کی خوراک ہے اور یہ حقیقت ہے کہ وہ صحیح معنوں میں محب ہیں وہ اپنا ذوقِ جمال

اور حسن پرستی کو اس شعر میں یوں بیان کرتا ہے۔

کچھ میر ا دل بھی محبت بھرا سمندر ہے

کچھ نرالی ہیں ادائیں بھی دل نشینوں کی بقولِ غالب ،

جب راہ نہیں پاتے تو چڑھ جاتے ہیں نالے

رُکتی ہے میری طبع تو ہوتی ہے رواں اور ایسی رُکی ہوئی طبع غلام حسین محب کی بھی ہے اور یہی

رکاوٹ ہے کہ اس کی طبع رواں دواں ہے اور وہ روانگی ، شعرو سخن کی خوب صورت اور دلکش

روپ اختیار کر کے باہر آجاتی ہے۔وہ جس مزاج کے مالک ہیں جن حسرتوں اور ارمانوں کو دل میں

رکھے ہوئے ہیں وہ کبھی پورے ہونے کی امید نہیں اور یہی وجہ ہے کہ انکی شاعری میں وقت اور عمر

گزرنے کے ساتھ ساتھ نا امیدی کا عنصر بڑھتا جا رہا ہے لیکن انہوں نے اس نامیدی کو اس طرح بیان

کیا ہے کہ جو انکی شاعری کو مزید مٹھاس بخشتی ہے۔

پیاس دل کی بجھانے آئے تھے ہم

نہ تھا معلوم کہ سراب ہو تم غلام حسین محب کی شاعری دیکھ کر غالب کے حالات زندگی کا نقشہ

سامنے آتا ہے وہ جن حالات میں شاعری کرتے ہیں غالب کی طرح محب بھی محشرستان کا شاعر ہے ہر

طرف افرا تفری قتل و غارت گری ، غیر مہذب رویے ، انا پرستی اور نا امیدی کے بادل چھائے ہوئے

ہیں ایسی شاعری کے لیے محشرستان کا لفظ صحیح اور حقیقی عکاسی کرتا ہے۔ میں انکی شاعری کے

بارے میں لکھنا چاہوں تو ایک کتاب لکھنے سے بھی ان کا احاطہ ناممکن ہوگا۔اس لیے کہ سات کتابوں

کی شاعر ی میں تو سالوں کی زندگی کا نقشہ ہوگا۔لیکن ایک خاص بات جو مجھے نظر آرہی ہے وہ یہ کہ

جتنا محب پیری کی طرف بڑھتا ہے اتنی انکی شاعری پر جوانی آتی ہے خوش بیانی بڑھتی ہے اور

بحرِطبیعت میں ایسی روانی آرہی ہے جیسے وہ پھر سے جوان ہو رہا ہو اور یہ سب انکی زندہ دلی کا

ثبوت ہے۔جیسے کہ وہ خود کہتا ہے ۔

ڈھلتی عمر کے ساتھ بھی پیمانہ چھلکتا ہے

وہ عشق میں دیوانگی کا حال ابھی تک ہے میں مختصر کہوں گا کہ غلام حسین محب کی خدمات اور

شاعری ہر لحاظ سے اعل ہ ی اور قابلِ قدر ہیں یہ الگ بات ہے کہ اس معاشرے میں قابل لوگوں کی قدر بہت

کم لوگ جانتے ہیں جس کی طرف انہوں نے خود ایک شعر میں اشارہ کیا ہے

خرید کرتے وہی لوگ ہیں نگینوں کی

جو قدر ہی نہیں جانے ہیں مہ جبینوں کی

بہر حال غلام حسین محب کی شاعری آپ کے سامنے ہے جسے دیکھ کر آپ میری باتوں سے اتفاق کریں

گے۔

آخرمیں میری دعا ہے کہ محب کو اللّ تعال ہ ی مزید ہمت دے کہ وہ شعرو ادب کے فروغ کے لیے اسی

طرح کردار ادا کرتا رہے۔

آمین

رحم شیر ریحان

- - غلنئی مومند ایجنسی ۔ 17 55 38
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چراغ کو سورج پر روشنی ڈالنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سورج کو چراغ دکھانے کا محاورہ تو آپ لوگوں نے سنا ہوگا مگر یہ کھبی نہیں سنا ہوگا کہ کسی نے

چراغ سے کہا ہو کہ آپ سورج پر روشنی ڈالے، شعر و ادب کی دنیا میں غلا م حسین محب سورج کی

مانند ہے جبکہ میری مثال ایک معمولی چراغ سے بڑھکر نہیں ، اور چراغ بھی وہ جو صرف اپنے پختہ

یقین کی بدولت طوفانوں کا مقابلہ کر رہا ہو۔ بقول شاعر،

اپنے خدا پہ ہم کو بھی کتنا یقین تھا۔۔۔۔ طوفاں میں لا کے رکھ دیا گھر کے چراغ کو

جب غلام حسین محب صاحب نے فون پر بتا یا کہ مجھے ان کی اردو شاعری کی کتاب پر کچھ لکھنا ہے

تو میں خوشی اور پریشانی کی عجیب کیفیت کے گرداب میں پھنس گیا۔ خوشی و شادمانی اس بات کی ،

کہ میرا استاد محترم مجھے اس قابل سمجھ رہا ہے کہ میری تحریر ان کی کتاب میں شامل ہو مگرپریشانی

اس بات کی کہ مجھے اپنی کم علمی اور کم مائیگی کا احساس ہے۔ اسی کیفیت میں جو کچھ بھی لکھا، آپ

کی خدمت میں پیش ہے اس اعتراف کے ساتھ، کہ اس میں جو کچھ آپ کو اچھا لگے وہ محب صاحب کے

باکمال شخصیت کے طفیل ہوگا اور جو کچھ اچھا نہ لگے وہ میری کوتاہی ہوگی۔

مایہ ناز ادیب، سینئرصحافی،کالم نگار، ایڈیٹر،کاتب،پینٹر ، قیافہ شناس ، بزلہ سنج اور سب سے بڑھکر

اکیسویں صدی میں زندگی گزارنے والے انیسویں صدی کے شاعر غلام حسین محب سے میرا تعلق اکیس

سال پرانا ہے۔ جب ہم دونوں مرحوم مکرم خان عاطف اور حیران مومند

کے ساتھ ملکر غلنئی مہمند ایجنسی سے ’’ماہنامہ قبائل‘‘ کے نام سے رسالہ نکالتے تھے۔ محب صاحب

اس رسالے کے چیف ایڈیٹر جبکہ میں ایگزیکٹیو ایڈیٹر تھا۔ وہ دن اور آج کا دن ، میں نے غلام حسین

محب کو بہت قریب سے دیکھا، سفر و حضر میں پرکھا،ادبی مجالس میں سنا، صحافتی سرگرمیوں میں

ساتھ رہے۔ ادبی محفل ہو تو محب کے منہ سے ادبی ہیرے جڑتے ہیں ، دوستوں کی مجلس ہو تو بزلہ

سنجی اور الفاظ کے مزاحیہ قافیے بنانا کوئی آپ سے سیکھے۔ اردو پشتو گرائمر اور زبان دانی کی بحث

ہو تو محب کو سنئے اور اس کے جواب کے لئے پھر دریاب ڈھونڈتے رہیے۔یہ تو رہے آپ کے مشت از

نمونہ خروار ادبی محاسن۔

جہاں تک ان کی ذاتی زندگی کا سوال ہے میری نظر میں غلام حسین محب میں لالچ نام کی کوئی چیز

نہیں ، بناوٹ کو وہ جانتا ہی نہیں، خلوص آپ کی زندگی کا بنیادی وصف ہے۔ پیسے کی قدر آپ کے دل

میں اتنا ہی ہے جتنا کسی مجذوب کو ہو سکتی ہے ۔ یہی وجہ ہے کہ تمام تر اوصاف حمیدہ اور مہارتوں

کے باوجود خاندانی زندگی کی گاڑی بڑی مشکل سے کھینچ رہے ہیں۔مگر خودداری کا یہ حال کہ آپکی

مالی مشکلات سے آپکے قریبی دوست بھی بے خبر ہوتے ہیں۔ اور دوستوں کو خبر بھی کیسے ہو کہ جب

بھی جہاں بھی کوئی ادبی محفل ہو، مہمند ایجنسی سے اور کوئی شامل ہو نہ ہو غلام حسین محب ضرور

شامل ہونگے۔ ہر دوسرے تیسرے سال آپ کا کوئی نہ کوئی کتاب شائع ہوگا خواہ اس کے لئے آپ نے

بچوں کا پیٹ ہی کیوں نہ کاٹا ہو۔ ان حالات میں ابھی تک چھ کتابیں چھاپ چکا ہے، جبکہ اردو شاعری

کی یہ ساتو یں کتاب محشرستان آپکے ہاتھ میں ہے۔

مگر میں پہلے ہی عرض کر چکا ہوں کہ ان کی ادبی حیثیت پر رائے زنی کر کے مجھے اپنی حیثیت

سے بڑا چھلانگ لگانے کا شوق بالکل نہیں ۔ اس لئے آپ ان کے اسی مجموعے سے یہ تین شعر پڑھیے

اور مجھے دیجئے اجازت ۔ اس اعتراف یا اعتراض کے ساتھ کہ محب ایک کامیاب شاعر و ادیب تو ہے

مگر اکیسویں صدی کے ایک کامیاب باپ نہ بن سکے۔

اب کِسے رہبر بنائے اب کِسے ہمراز ہم

مردِ میداں ہی نظر آتا نہیں میدان میں

کچھ مرا دل بھی محبت بھرا سمندر ہے

کچھ نرالی ہیں ادائیں بھی دل نشینوں کی

ان جوانوں پہ محب کیسے اعتماد کرے

کوئی صفت بھی تو باقی نہیں شاہینوں کی

اللّ ہم سب کا حامی و ناصر ہو۔

شم س مومند

پشاور۔۔ ،ٔٔ اپریل ۲ ءٕٔٓ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میری شاعری

میرا تعلق قبائلی علاقے سے ہے اور صاحبِ احساس دیوانوں کی ہم نشینی کی برکت سے اپنے جذبات اور

احساسات کا اظہارکرتا رہتاہوں ۔قبائل ،جہاں ملک کے دیگر علاقوں کی طرح باصلاحیت اور باشعور

شعرا اور ادیب پیدا ہوئے ہیں جنہوں نے ملکی اور بین الاقوامی سطح پر نام کمایا ہے۔ قبائلی شعرا میں

اکثریت نے پشتوشاعری کی ہے مگر کئی ایسے نام بھی ہیں جنہوں نے پشتو کے ساتھ ساتھ اردو میں بھی

شعر اور نثر دونوں میں طبع ازمائی کی ہے مثلاً امیرحمزہ شینواری،قاسم علی آفریدی، شبیر احمد

خان،یوسف حسین یوسف، شمس مومندوغیرہ ،میں نے بھی ان شعرا کی راہ اپنائی ہے اور اب تک میری

پشتو شاعری کے چھ مجموعے شائع ہوچکے ہیں جبکہ میری خواہش ہمیشہ یہی رہی کہ میری نثری کتاب

خصوصاً افسانے شائع ہوسکے مگر کوئی کا میابی نہیں ملی ۔اس کے علاوہ میری اردو شاعری ’’ ا

برِبہار‘‘ کے نام سے ۳۳۲ ءٔ تک کمپوز بھی ہو چکی تھی لیکن میرے ایک دوست نے کمپوز کر کے

ضائع کردی جو آج کل یورپ کی رنگینیوں میں ایسے گم ہیں جس طرح اس نے میری شاعری گم کردی

تھی بہر حال اس شاعری کی نقل کا کچھ حصہ گزشتہ سا ل ہاتھ آیا جسے میں نے دوبارہ کمپوز کرکے

شائع کرنے کا ارادہ کیا مگر ساتھ ہی نئی شاعری بھی شامل کردی جو ۱ ۔ٔ ۲ ءٕٔٓ کے دوران لکھی گئی

ہے۔ ویسے تو میں زیادہ تر ،،ساھو لیکونکو مرکہ،، میں شرکت کرتا رہتا تھا لیکن کبھی کبھار پشاور

پریس کلب کی پرانی عمارت میںِ ,,حلقہ ارباب ذوق،، کے اجلاسوں اور مرحوم خاطرغزنوی کے گھر

اردو مشاعروں میں بھی شریک ہوتا رہا۔ یوں میں معروف شاعر، ادیب اور نقاد قلندر مومند کے ساتھ ساتھ

مرحوم محسن احسان اور مرحوم خاطرغزنوی کے ساتھ ہونے والی ادبی نشستوں سے بھی مستفید ہوا

جبکہ انہی مجالس کے کئی دوست بقید حیات ہیں اورکافی نام کما چکے ہیں۔

ابتدا میں میری اردو شاعری بھی پشتو طرز کی تھی لیکن اللّ بھلا کرے معروف اردو پشتوشاعر پروفیسر

اظہاراللّ اظہا ر کا جنہوں نے میری شاعری پر سطحی نظرڈال کر میری راہنمائی کی اور مجھے اردو

اوزان کے مطابق شاعری کرنے کا مشورہ دیا۔جس کے لیے میں انکا انتہائی مشکور ہوں۔ان کے ساتھ ہی

محترم اسلم کولسر ی صاحب کا بھی شکر گزار ہوں جنہیں میں نے ایک دوست کی وساطت سے اپنی

غزلوں کے چند نمونے لاہور بھجوادیے تو انہوں نے بھی وہی مشورہ دیا مگر ساتھ ہی انہوں نے میری

غزلوں میں کمزوریوں کی نشاندہی بھی کردی جنہیں دور کرنے کی میں نے کافی حد تک کوشش کی کہ

میری اردو شاعری میں وہ خامی نہ رہے جو کسی پختون کی اردو شاعری میں ہواکرتی ہے اوراب

مجھے یقین ہے کہ میری شاعری میں قواعد کے لحاظ سے کافی بہتری آئی ہوگی ۔لیکن پھر بھی اگر

غلطی اور کمزوری باقی رہنے کااحتمال ہے تو میں معذرت خواہ ہوں بہر حال جو کہنا میرا مقصد ہے وہ

پہنچ جائے تویہ میرے لیے روحانی تسکین کا باعث ہوگا۔دوست احباب میری اس شعری کتاب کا نام دیکھ

کر شائد مجھے کچھ زیادہ ہی مایوس شخص سمجھنے لگیں گے لیکن میرے خیال میں کوئی بھی شاعر

ایساہو ہی نہیں سکتا کہ حالات کے ساتھ سمجھوتہ کرسکے بلکہ وہ ہمیشہ اپنے وقت کے حالات کا رونا

روتا رہے گا اورایسا اس کے زیادہ باشعو راور حساس ہونے کی وجہ سے ہوتا ہے کیونکہ وہ سب کچھ

صحیح اورفطری معاشرتی اقدار کے مطابق دیکھنا چاہتا ہے حالات کے لمحے لمحے پر کڑھنے والے

ایسے شخص کے بارے میں سیدنا حضرت علیؓ نے فرمایا،، ہوشیار لوگ ہمیشہ غمگین رہتے ہیں،، ۔ اس

وضاحت کی وجہ یہی ہے کہ بعض شاعر بھائی بھی نصیحت کرتے ہیں کہ قوم کو امید اور خوشی کا

پیغام دینا چاہیے جبکہ میرا خیال ہے کہ معاشرتی حقائق کی ترجمانی ہی میں امید کی کرنیں پوشیدہ ہوتی

ہیں کیونکہ میں نے جتنے بھی کلاسک اور مقبول و معروف شاعر پڑھے ہیں دکھ درد اور غم کے گیت

گاتے ہوئے نظر آتے ہیں۔ غالب نے کہا ۔۔۔۔

مختصر مرنے پہ ہو جس کی امید

ناامیدی اس کی دیکھا چاہیے

زندگی اپنی جب اس شکل میں گزری غالب

ہم بھی کیا یاد رکھیں گے کہ خدا رکھتے تھے

علّامہ محمداقبال نے کہا۔۔

دنیا کی محفلوں سے اُکتا گیا ہوں یا رب

کیا لطف انجمن کا جب دل ہی بجھ گیا ہو

جبکہ پشتو کے عظیم شاعر رحمان بابا نے توانسان کی اصلیت ہی واضح کردی ہے۔

وا ڑہ پہ غوغا دی چی راغلی پہ د نیا دی

نہ ئی ھغہ وگی پہ قلار د ی نہ ما ڑۂ

خاؤری د آدم چی کڑی خمیر فرشتہ گانو

درست ئی پہ غمونو ا ؤ د رد ونو ولاڑۂ

یعنی ’’جتنے بھی انسان دنیا میں آئے ہیں چاہے امیر ہوں یا غریب تمام واویلا کر رہے ہیں۔حضرت آدم کی

مٹی کی خمیر جب اُٹھائی گئی تو تمام غم اور درد اس میں خلط ملط کردیے گئے ۔‘‘ اپنے بارے میں

اگرکہوں تو ۳۳۲ ءٔ تک کی میری اردو شاعری روایتی انداز اور مشکل پسندی کا شکار تھی جبکہ

۲ ءٕٔٓ کے بعد کی شاعری میں اپنے وقت کی تصویر کشی کی کوشش کی گئی ہے۔ بہر حال جو بھی

ہے آپ کے سامنے ہے ۔ حوصلہ افزائی اور معافی کا طلبگار ہوں۔

آخر میں ضروری سمجھتا ہوں کہ احساس وتخّیل کے کاروان کے اپنے ہم سفربھائیوں رحم شیر ریحا ن ،

شم س مومند اور حیرا ن مومند کا شکریہ ادا کروں جنہوں نے میری اس کاوش سے متعلق اظہارِ خیال

کیااور میری حیثیت سے بڑھ کر میری حوصلہ افزائی کی ۔جبکہ مولانا عبدالحق اور میرے شاگرد نوجوان

شاعر اجملی خان ارمانی کا خصوصی طور پر ممنون ہوں جنہوں نے اس کتاب کی اشاعت میں تعاون

کیا۔

آپ کا

غلام حسین محب

غلنئی مہمند ایجنسی

اپریل2018
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غزل

دکھ درد بٹاتے ہیں ہر روز کی برساتیں

ہر روز نئے غم ہیں ہر رو ز نئی باتیں

مت پوچھ مرے ہمدم کیا زندگی گزری ہے

حسرت کے جنازے تھے یادوں کی تھیں باراتیں

ہر صبح کی کرنوں میں پوشیدہ مرے نالے

ہر شام بڑھاتی ہیں رونے کی میری راتیں

رنگین بہاروں میں ہیں در د خزاؤں کے

رنگوں سے سجے چہرے نفرت سے بھری ذاتیں

کوئی بھی نہیں ایسا ڈھارس کو جو بندھائیں

ہر شخص سے ملتی ہیں فریاد کی سوغاتیں

بدظن ہو مح ب کیوں نہ غائب جو وفائیں ہیں

پہلے سے مراسم نہ پہلی سی ملاقاتیں

غزل

دلِ بسمل تجھے قرار کہاں سے لاؤں

وہ نگاہیں لب و رخسار کہاں سے لاؤں

آگ سے کوہ و دمن کچھ بھی نہ بچنے پائے

وہ گل و غنچہ و بہار کہاں سے لاؤں

یاں تو ہرشخص نے چہرے پہ سجائے چہرے

صِد ق وایفا کے خریدار کہاں سے لاؤں

ہر طرف حبس ہے بارود کی بو پھیلی ہے

رنگ اور نکہتِ گلزار کہاں سے لاؤں

ظلمتوں میں ہمتیں پست جوانوں کی ہیں

حوصلہ جذبۂ کہُسار کہاں سے لاؤں

دکھ بھرے وقت مح ب غم کی شبستانوں میں

آس و امید کے اشعار کہاں سے لاؤں

غزل

دل اپنا محبت بھرا رہ گیا

تھا خواب جو دھرے کا دھرا رہ گیا

جو نفرت بھری نظریں ہر سُو ملیں

ہرا زخمِ دل تھا ہرا رہ گیا

لُٹے ہم کہ ہمراہی غدّار تھے

گو منزل کا رستہ ذرا رہ گیا

مجھے گنجِ احساس پر ناز تھا

تبھی تو غموں میں گھِرا رہ گیا

وہ دوسروں کو بدظن جو کرتا رہا

تو منبر پہ تنہا مُلا رہ گیا

کہ آدابِ بزم کسی کو نہ تھا

مح ب یوں ہی نغمہ سرا رہ گیا

غزل

نظر تجھ سے ملانا چاہتا ہوں

ان آنکھوں میں سمانا چاہتا ہوں

محبت کے لفظ کی روشنی سے

اندھیروں کو ہرانا چاہتا ہوں

چراغِ ہجر یادوں سے جلا کر

زخم دل کے بھرانا چاہتا ہوں

دلِ احباب پر سے نفرتوں کے

بنے دھبے مٹانا چاہتا ہوں

میانِ خار ہنسے پھول جیسے

غموں میں مسکرانا چاہتا ہوں

مح ب بن کر ہی رہنا ہے جہاں میں

یہی نکتہ بتانا چاہتا ہوں

غزل

زخم دل کے نظر آتے ہیں میری آنکھوں میں

غم کے نالے جو بڑھاتے ہیں میری آنکھوں میں

یوں بدلنا تیری آنکھوں کا بھری محفل میں

چند سوالات اٹھاتے ہیں میری آنکھوں میں

ہر سحر کے یہ اجالے شبِ ہجراں کے بعد

پھر نئے خواب سجاتے ہیں میری آنکھوں میں

یہ شفق رنگ سرِ شام تیری یادوں کے

کیسے طوفان اٹھاتے ہیں میری آنکھوں میں

کیا کہوں حُسن پرست دل کا فسانہ اپنا

شہر خوبان بساتے ہیں میری آنکھوں میں

راہ جینے کی مح ب جن کو دکھائی تو نے

اب وہی دھول اڑاتے ہیں میری آنکھوں میں

غزل

ہرطرف درد کی تصویریں ہیں

میرے احساس کی تعزیریں ہیں

زندگی قیدِ بامشقت ہے

یہ شب و روز ہی زنجیریں ہیں

پھول بوئے تھے خار کاٹے ہیں

کیا یہی خواب کی تعبیریں ہیں

مفتی ، عالم کہ دانشور اچھا

اپنی اپنی بنی تفسیریں ہیں

کارگر ہی نہیں تدبیر اپنی

کج ہی تقدیر کی لکیریں ہیں

خونِ انساں پہ مر نہیں جاتے

آہ کیا مُردہ سب ضمیریں ہیں

بس مح ب یاس کی فضاؤں میں

بر سرِ آب ہی تحریریں ہیں

غزل

نہ خود پہ ہے قابو نہ اپنی خبر ہے

سمندر سی آنکھیں نشیلی نظر ہے

حسیں لب پہ تیرے محبت ہی آئے

یہ خواہش تو دیکھو میری مختصر ہے

غضب کی ادائیں مرے دل کو لوٹیں

یہ کیسا ہے جادو یہ کیسا ہُنر ہے

تیری زلف کی ٹھنڈی چھاؤں میں بیٹھوں

یہ عشق تو تھکا دینے والا سفر ہے

مثل تیرے حُسن کی میں کس طرح دوں

کہ خود محو حیرت یہ شمس و قمر ہے

کٹھن زندگی جو ہے اہلِ خرد کی

مح ب کو تو دیکھو سدا چشم تر ہے

غزل

دل کے ویرانے میں اب کچھ بھی نہیں

اپنے افسانے میں اب کچھ بھی نہیں

ہائے وہ مستی بھری نظریں کہاں

تیرے میخانے میں اب کچھ بھی نہیں

بے وفائی کو سمجھ بیٹھے ہُنر

چھوڑ یارانے میں اب کچھ بھی نہیں

سب جوانی کی متاع ہے لُٹ گئی

پاس نذرانے میں اب کچھ بھی نہیں

روشنی جب قیدِ زنداں ہوگئی

جوش پروانے میں اب کچھ بھی نہیں

اب مح ب کا حالِ دل مت پوچھیے

رہتا مستانے میں اب کچھ بھی نہیں

غزل

اب کہ باقی تیرے وعدے کا اعتبار نہیں

تیرے اقرار میں دل کے لیے قرار نہیں

گو اب بہار نہیں ہے گلوں کا ہار نہیں

پر محبت میں تو مانی بھی کوئی ہار نہیں

کوئی امید وفا بھی رہی باقی نہ مگر

تجھ سے اظہارِ محبت میں کوئی عار نہیں

ہاتھ دیتے ہیں مگر ہاتھ بھی کرجاتے ہیں

دوستی کا بھی یہاں تو کوئی معیار نہیں

اپنی منزل پہ خدا جانے کہ پہنچے کیسے

قافلہ بھی ہوا گمراہ کہ سالار نہیں

جھوٹ ہے عیب ہے دھوکہ سبھی مل جاتے ہیں

پر یہاں صدق و صفا کا کوئی بازار نہیں

اب تو اخلاص و وفا کی ہی کمی ہے ورنہ

حسن و صورت سے مح ب تو کوئی انکار نہیں

غزل

دہرِ حسرت بزمِ ماتم ہوگئی

ہر قسم خواہش میری کم ہوگئی

پیاس حد سے بڑھ گئی ہے پیار کی

پر میری قسمت تو شبنم ہوگئی

ڈر ابھی باقی نہ دوزخ کا رہا

زندگی اپنی جہنم ہوگئی

گلشنِ ہستی میں اُڑتی خاک ہے

نیّتِ انساں جو برہم ہوگئی

ہائے رے پختون تیرا دبدبہ

کوہ سی گردن تھی جو خم ہوگئی

رنگ برنگی محفلوں کے بعد بھی

ایک تنہائی سی ہمدم ہوگئی

مسکراؤ بھی مح ب تو کیا ہوا

شاعری فریادِ عالم ہوگئی

غزل

غم کروں اپنا غمِ جاناں کروں

اس سے بھی آگے غمِ دوراں کروں

ہر طرف ہیں پھول زخموں کے کھِلے

آہ کِس کِس درد کا ساماں کروں

حالِ دل کس کو سنائیں کس طرح

کون ہے ہمدرد ، کسے درماں کروں

اپنے غم سے اب ہمیں فرصت کہاں

غم کے ماروں کا اگر پُرساں کروں

خوش ہیں انکی قیدِ زلفاں میں بھی ہم

اس لیے تو مدحتِ زنداں کروں

من تو چاہے بھول بھی جاؤں مح ب

زندگی کا قتل ہر ارماں کروں

غزل

جتنے جتنے فاصلے بڑھتے گئے

اتنے اتنے ولولے بڑھتے گئے

راہ سے بھٹکے ہوئے چلتے رہے

گو سروں کے قافلے بڑھتے گئے

روز پڑتا قاتلوں سے واسطہ

روز اپنے حوصلے بڑھتے گئے

دوستوں نے کیں جفا کی بارشیں

خود وفاؤں کے صلے بڑھتے گئے

باہمی باتیں ملاقاتیں نہ تھیں

اس لیے شکوے گلے بڑھتے گئے

راہِ عشق آسان سمجھے تھے مح ب

ہر قدم پر مرحلے بڑھتے گئے

غزل

ہے جو رنگ و بو کا یہ قافلہ، تیری زندگی میری زندگی

یہ محبتوں کا ہے سلسلہ ، تیری زندگی میری زندگی

تیری آنکھیں جو میرے دل میں ہیں میرا دل جو ہے تیری آنکھوں میں

ایک دوسرے کو ہے حوصلہ ، تیری زندگی میری زندگی

شامِ غم بھی ہے شب غم بھی ہے مگر ایک صبح امید میں

نیا جوش ہے نیا ولولہ ، تیری زندگی میری زندگی

کبھی وصلتوں کی مٹھاس ہے کبھی رات یونہی اداس ہے

میرا تجھ سے ، مجھ سے تیرا گلہ ، تیری زندگی میری زندگی

تیرے درد کا مسیحا بنوں مرے غم کا تو بنے چارہ گر

نیک خواہشوں کا تبادلہ ، تیری زندگی میری زندگی

تیرے رنگ و خوں سے غرض نہیں کوئی اس سے بڑھ کے مرض نہیں

ہے برابری کا معاملہ ، تیری زندگی میری زندگی

یہی حسن ہے یہی عشق ہے یہی وصل ہے یہی ہجر ہے

یہ مح ب حبیب میں فاصلہ ، تیری زندگی میری زندگی

غزل

رنگ میں لپٹا بیاں کوئی نہیں

پر مجھے سمجھے یہاں کوئی نہیں

صورت و نقش و نگار و ناز دیکھ

قلب سے ربطِ زباں کوئی نہیں

جانتی تیری نظر میری نظر

اس کے قاصد درمیاں کوئی نہیں

کیا پری چہرے ہیں کیا رنگینیاں

اب مگر جذبہ جواں کوئی نہیں

اس جہاں میں نفرتوں سے پاک دل

الاماں و الاماں کوئی نہیں

کارواں گمراہ ہی ہوتا مح ب

راہِ منزل پر نشاں کوئی نہیں

غزل

دریا دریا اشک سے رو لوں تو کیا

سب کو اپنے زخمِ دل کھولوں تو کیا

تیرے دل سے دور ہی ہوتا گیا

در فلک مریخ کو چھُولوں تو کیا

گونگے بہرے صاحبِ محفل بنے

ان کے آگے پیار سے بولوں تو کیا

نفرتوں کے داغ جو دل پر بنے

آبِ زمزم سے اگر دھو لوں تو کیا

تشنہ ہی ہے تیری زلفوں کا خیال

آسمانوں پر مح ب جھولوں تو کیا

غزل

تیری آنکھوں کے میخانے سے نکلے تو کہاں جائیں

یہی اک دل ہے لُٹ جانے سے نکلے تو کہاں جائیں

یہ کیسا عشق ہے جو عزمِ منزل ماند پڑ جائے

کرن کا ذوق پروانے سے نکلے تو کہاں جائیں

یہ میرا دل یہ میری جاں یہ میری زندگی اُن کی

میرے دعوے و ہرجانے سے نکلے تو کہاں جائیں

شہر آشوبِ محشر کوہ و صحرا آگ میں لپٹے

یہ دیوانے جو ویرانے سے نکلے تو کہاں جائیں

نہ کوئی مشورہ کارگر نہ اس کی ذہن سے بنتی

یہ پاگل دل ہے سمجھانے سے نکلے تو کہاں جائیں

تیرے حُسن و محبت سے مح ب شاعر بنا بیٹھا

اگر اظہار فرمانے سے نکلے تو کہاں جائیں

غزل

کہہ رہا ہے مجھے جاناں کہ میں دیوانہ ہوں

میں مِلاؤں بھی ہاں میں ہاں کہ میں دیوانہ ہوں

اب کہ دل ہی رہا باقی نہ میرے سینے میں

کیا کروں فکرِ گریباں کہ میں دیوانہ ہوں

شہر میں سب اہلِ دانش ہیں مجھے کب پوچھے

چل پڑا سوئے بیاباں کہ میں دیوانہ ہوں

شیخ گِن گِن کے جو تسبیح جنت مانگے ہیں

نہیں کرتا سود وزیاں کہ میں دیوانہ ہوں

ایک حساس طبیعت ہے ایک یہ دنیا

بن گیا ہے محشرِستاں کہ میں دیوانہ ہوں

میری ملّت کے درندوں کو سبق دینے کو

چاہیے تخت سلیماں کہ میں دیوانہ ہوں

ایک ہی دوست مح ب ہے شبِ تنہائی میں

مثلِ جاناں ماہِ تاباں کہ میں دیوانہ ہوں

غزل

یہ حُسن و عشق کے احساس سے محروم دل میرا

مگر قسمت کے ہاتھوں پھر بھی ہے مجبور دل میرا

پرائیوں سے ہو کیا شکوہ وہ میرے غم سے بیگانے

کہ اپنوں کے سبب تو ہے زخم سے چُور دل میرا

وہ جنت کا تیرا وعدہ خدایا ہے بجا لیکن

اسی دنیا میں ہی مانگے ہے مجھ سے حور دل میرا

بظاہر گو کہ حصہ ہوں بھی میں گلزارِ ہستی کا

ہے رنگ و رونقِ بزمِ جہاں سے دور دل میرا

کبھی سینے میں اپنی بے بسی پہ کُڑھتا رہتا ہے

کبھی ہے نعمتِ احسا س پر مغرور دل میرا

نہ دولت میں نہ اس دنیا کی عیاشی میں راحت ہے

وہ کیا ہوگا کہ جس سے ہو مح ب مسرُور دل میرا

غزل

خرید کرتے وہی لوگ ہیں نگینوں کی

جو قدر ہی نہیں جانے ہیں مہ جبینوں کی

خدا کرے کوئی خود کُش ہی نہ بن کر آئے

محفلیں بھی نہ سجاؤ یہاں حسینوں کی

کچھ مرا دل بھی محبت بھرا سمندر ہے

کچھ نرالی ہیں ادائیں بھی دل نشینوں کی

ہائے وہ خود ہی ڈبونے پہ تُلے بیٹھے ہیں

ڈور جو لوگ سنبھالے یہاں سفینوں کی

شکل و صورت عقل و دانش کا ہے قسمت سے کیا

ان لکیروں میں توکچھ بھی نہیں جبینوں کی

نیتیں کج ہیں تو چہرے بھی یہاں ٹیڑھے ہیں

شامتیں آتی بھی اکثر ہیں تو آئینوں کی

ان جوانوں پہ مح ب کیسے اعتماد کرے

کوئی صفت بھی تو باقی نہیں شاہینوں کی

غزل

میری تعبیر ہو کہ خواب ہو تم

بات کچھ بھی ہو لاجواب ہو تم

تیرے در پر رقیب بیٹھے ہوئے

درمیاں خار کے گلاب ہو تم

پیاس دل کی بجھانے آئے تھے ہم

نہ تھا معلوم کہ سراب ہو تم

فرد اس گھر کے ہی سمجھ لو ہمیں

ہوں اباسین گر چناب ہو تم

عمر گزری تھجے سمجھ نہ سکیں

فلسفے کی کوئی کتاب ہو تم

بِن ترے کیا بھی شاعری ہو مری

بس کہ فکرِ مح ب کی تاب ہو تم

غزل

وہ کیا نظر تھی میں دنیا تمام بھول گیا

وہ کیا نشہ تھا کہ ساقی میں جام بھول گیا

دل و نگاہ میں اک شخص بس گیا دوستو

کرو معاف اگر میں سلام بھول گیا

خیال گردشِ ایام میں مَیں گم ہی رہا

اسی ترنگ میں میں صبح و شام بھول گیا

میری نگاہ تو اُس چاند بدلیوں پہ رہی

حسین چہرے پہ زلفوں کا دام بھول گیا

جہانِ فانی کو ہی مستقر سمجھ بیٹھے

مح ب وہ خلد میں اپنا مقام بھول گیا

غزل

زندہ باد اے زندگی زندہ رہے زندان میں

شمع تھی احساس کی جلتی رہی طوفان میں

آدمی رہتا ہے یاں کس ڈھنگ سے کس شان میں

شان و شوکت خاک میں مل جاتا ہے اک آن میں

نہ کوئی آنکھوں کی ٹھنڈک نہ کوئی دل کا سکوں

نت نئے ارماں نکل آئے تھے ہر ارمان میں

اب کِسے رہبر بنائے اب کِسے ہمراز ہم

مردِ میداں ہی نظر آتا نہیں میدان میں

وہ ہی میری زندگی ہے وہ ہی میری جان ہے

جان جانے کس طرح آئے گی میری جان میں

میں اگر سجدہ نہیں کرتا وہ میرے دل میں ہے

دل تو سجدے ہی میں رہتا ہے مح ب عرفان میں

غزل

نہ بہار کی کوئی بات ہے

نہ امیدِ قیدِ حیات ہے

نہ ہی دل میں کوئی اُمنگ ہے

خواب دیکھنے کو ہی رات ہے

مِلے ہاتھ تو مَلے ہاتھ بھی

یہی دوستی کی سوغات ہے

تو محبتوں کو بکھیر دو

کہ یہی تو راہِ نجات ہے

اُسے دیکھنے کی ہمت نہیں

جانے کیسی یہ ملاقات ہے

نہ سکوں ملا جو جہان میں

تو رہی مح ب وہی ذات ہے

غزل

اُس اک نگاہ سے دل جائے میرے سینے سے

ملے وہ زخم کہ بھرتے نہیں ہیں سینے سے

میں زندگی کے دکھوں سے جو میکدہ بھاگوں

ہزار غم نہ بھُلائے سکے جو پینے سے

عقیدہ یہ ہے کہ انسان کو انساں سمجھے

یہی نہیں کہ عقیدت رکھے مدینے سے

ہوس سے کرکرا مزہ جو زندگی کا ہے

ہے روشنی ملے نجات اگر کمینے سے

مجھے یہاں کے رنگ و نور بیاں مت کرنا

کروں بھی کیا مح ب اُکتا گیا ہوں جینے سے

غزل

رات ہوتی ہے تو تاروں سے بات کرتا ہوں

صبح بے کیف نظاروں سے بات کرتا ہوں

مجھے تو زلفِ پریشاں کا گماں ہوتا ہے

شبِ ہجراں جو اندھیروں سے بات کرتا ہوں

اُس کو بھی اپنی بے قدری کا گِلہ ہے سب سے

جو لہوُ رنگ بہاروں سے بات کرتا ہوں

دل کے زخموں کو وہ شعروں کی دوا دیتے ہیں

جب بھی میں درد کے ماروں سے بات کرتا ہوں

کسی مذہب کے بھی پیرو بُرے نہیں ہوتے

پیار مقصد ہے تو چاروں سے بات کرتا ہوں

کارِ اُلفت تو مح ب جرم یاں کہلاتا ہے

اسی لیے تو اشاروں سے بات کرتا ہوں

غزل

اب اس جہاں میں دل نہیں لگتا

ہاں غمِستاں میں دل نہیں لگتا

حالِ دل سُن کے مسکراتے ہیں

بزمِ یاراں میں دل نہیں لگتا

پھول روتے ہیں خون کے آنسو

اب گلستاں میں دل نہیں لگتا

خوف کے سائے ساتھ ہوتے ہیں

قُربِ انساں میں دل نہیں لگتا

سارے اک دوسرے سے بھاگتے ہیں

محشرستاں میں دل نہیں لگتا

زندگی خواب ہے خیال مح ب

وہم و گماں میں دل نہیں لگتا

غزل

لب پر مرے موجو د اک سوال ابھی تک ہے

خوش فہمیوں کا خواب اور خیال ابھی تک ہے

ڈھلتی عمر کے ساتھ بھی پیمانہ چھلکتا ہے

وہ عشق میں دیوانگی کا حال ابھی تک ہے

اس شہر کے رنگین چکا چوند نظاروں میں

پھیلا ہو ا مایوسیوں کا جال ابھی تک ہے

ہے اپنے عقیدے پہ مجھے ناز ہمیشہ سے

قلب و نظر میں قبلۂ جمال ابھی تک ہے

اب بھی ہیں مجھے دیکھتے اغیار کی نظروں سے

جیسے میرا ارمان تھا پامال ابھی تک ہے

یاں کلمۂ موس ہ ی کی ضرورت ہے مح ب پھر سے

فرعونیوں کی زندہ وہ مثال ابھی تک ہے

غزل

واہ خامُشی! کیا بات ہے اک چاند اور میں

شکوے ہیں اور رات ہے اک چاند اور میں

آنکھوں میں ہی آنکھوں میں بہت کچھ ہیں سکھاتے

بس درد کی سوغات ہے اک چاند اور میں

یاروں میں گِھرا میں ہوں کہ تاروں میں گِھرا وہ

تنہائی کی برسات ہے اک چاند او ر میں

ہم ، ہم سفرِ زیست گو منزل نہیں معلوم

ہم سے بنی بارات ہے اک چاند اور میں

دنیا میں مح ب کوئی سہارا نہیں تا ہم

تکیہ وہی اک ذات ہے اک چاند اور میں

غزل

اک یاد مِرے ہوش جو کھونے نہیں دیتی

وہ زخم مِرے مندمل ہونے نہیں دیتی

احساس کا اک بوجھ جو اٹھنے نہیں دیتا

غیرت جو کسی حال میں رونے نہیں دیتی

مد ہوش سی خوابیدہ سی پیاری سی وہ آنکھیں

وہ ایک نظر ہے مجھے سونے نہیں دیتی

اُلفت ہے جو ہمّت مجھے دیتی ہے شب و روز

یہ زیست کی کشتی کو ڈبونے نہیں دیتی

دیوانگی کی مل گئی پہچان مح ب کو

نسبت ہے جو محفل میں سمونے نہیں دیتی

غزل

تُو آنکھیں ملا کر کرامت تو دیکھو

میرے دل میں اپنی محبت تو دیکھو

تیری مرضی ، دل میں بساتے ہو کیسے

ذر ا اپنا انجامِ نیّت تو دیکھو

مرے یا کہ مارے شہید خو د کو کہتے

بھلا ان کی طرزِ شہادت تو دیکھو

کرے بے وفائی کرے بھی ڈھٹائی

میری انتہائے شرافت تو دیکھو

غزل کی دیوانی مح ب تتلیاں ہیں

بیاں ہو وہ حسنِ نزاکت تو دیکھو

غزل

کچھ نہیں پاتا بجز کچھ کھوتے کھوتے کیا کروں

ہیں بگڑتے کام میرے ہوتے ہوتے کیا کروں

میں نہیں یہ جانتا فن سے رہے کیونکر مفر

تھک گیا میں تخمِ الفت بوتے بوتے کیا کروں

یہ بھی اک حسرت رہی کہ خواب میں شائد دِکھے

آنکھ کُھل جاتی ہے پھر سے سوتے سوتے کیا کروں

کچھ بھی ہو چہرے سے مٹتا ہی نہیں رنج و الم

اشکِ غم سے روز چہرہ دھوتے دھوتے کیا کروں

کس طرح مٹی تلے دبنے سے بچ پائے مح ب

زندگی گزری ہے گرچہ ڈھوتے ڈھوتے کیا کروں

غزل

کتابوں میں دیکھا ہی لفظِ خوشی ہے

غموں سے عبارت تو یہ زندگی ہے

یہ اندھیر نگری یہ شہرِ چراغاں

انہی رونقوں میں چنگاری دبی ہے

بہ ظاہر بلانا ، بلا کر بھُلانا

یہ کیا دوستی ہے یہ کیا دل لگی ہے

لحد سے مہد تک مہد سے لحد تک

اسی زندگی کی حقیقت یہی ہے

ہیں کالی گھٹائیں دلوں کے جہاں میں

وگر نہ بہ صورت محب کیا کمی ہے

غزل

کہ صبح و شام پر میرے اثر رکھے خُمار اُن کا

جو پلکوں میں الجھ جائے نہیں ممکن فرار اُن کا

بہت کچھ اُن سے کہنا ہے مگر دل کر نہیں سکتا

زباں ہے میرے قبضے میں ، ہے دل پر اختیار اُن کا

جو ہاں میں ہاں ملائیں ہم تو دوستی اور بھی پکّی

دکھائے آئینہ اُن کو تو بڑھ جائے فشار اُن کا

کسے ہمراز سمجھے ہم کسے ہم راہنما سمجھے

جنہیں ہم معتبر سمجھے رہا نا اعتبار اُن کا

مح ب فکر و تخیّل پر کسی پیکر کا ہے سایہ

جبھی تو ذکر آتا ہے غزل میں بار بار اُن کا

غزل

کروں کیوں نہ باتیں ستاروں کے ساتھ

کہ توڑے ہیں رشتے سہاروں کے ساتھ

یوں ر و رو کے آنسو ہوئے ہیں ختم

جو سّوکھے ہیں چشمے چنا روں کے ساتھ

وہ دل لے کے بھی کرتا نفرت کی بات

نہیں ایسا کرتے بیماروں کے ساتھ

یہ سائنس و ترقی یہ جنگ کی فضاء

گرے جیسے بجلی بہاروں کے ساتھ

حسینوں کے نخرے بھی چلنے د و یار ! کہ گل بھی تو ملتے ہیں خاروں کے ساتھ

بھنور میں پھنسی ہے مح ب زندگی

لگے کیسے کشتی کناروں کے ساتھ

غزل

دلِ بسمل کا مرہم کیوں نہیں ہے

کوئی نظرِ مکرّم کیوں نہیں ہے

خیالِ زلف میں جھکڑے رہے ہیں

دِوانوں کا تجھے غم کیوں نہیں ہے

ہے دل جوئی ، سمجھ کعبہ بنانا

عقیدت تا بہ حرم کیوں نہیں ہے

ہو نازاں جنگ بھری تاریخ پر کیوں

قلم اس میں مقدُم کیوں نہیں ہے

بڑھے ہیں خوف کے سائے دلوں پر

وہ آخر جذبِ باہم کیوں نہیں ہے

آ شتی ہو 􀳦 کہ دنیا بھر میں امن و

مح ب کچھ اسمِ اعظم کیوں نہیں ہے

غزل

تجھ سے ہم آنکھ ملانے سے رہے

دل کو اپنا جو بچا نے سے رہے

حُسن پر جان نچاور بھی تو کی

اور کچھ کرکے دکھانے سے رہے

نرم ہاتھوں سے بجاتے ہو ئے ساز

ہم تو بندوق چلانے سے رہے

حُسنِ ظن سب پہ کیے جاتے ہیں

نیّتیں پڑھنے پڑھانے سے رہے

داد ملتی ہے رقیبوں کو جہاں

اب تیری بزم میں آنے سے رہے

وقت کی نبض پرکھنی ہے مح ب

ورنہ ہم شعر بنانے سے رہے

غزل

ملے کتنے غم ان نظاروں کے پیچھے

ہیں کانٹے چھپے ان بہاروں کے پیچھے

جو اختر شماری تیری یاد میں کی

بڑے رت جگے ہیں ستاروں کے پیچھے

تُو کتنے گھروں پر سے چھینے ہو سائے

ہیں کتنے نڈھال اپنے پیاروں کے پیچھے

نہ جا سیدھے سادھے حیراں صورتوں پر

ہیں صدق و صفا کوہساروں کے پیچھے

ہے محنت کی عظمت جو جنت بسائے

جواں مر د ہیں سبزہ زاروں کے پیچھے

مح ب ! شاعری وقت گزاری نہیں ہے

ہیں اہلِ نظر استعاروں کے پیچھے

غزل

پائی تیری آنکھوں سے جو پینے کی سزا ہے

مرمر کے نہ مرنا اسی جینے کی سزا ہے

رونے میں خوشی ہوتی ہے خوشیوں میں ہے رونا

یہ عشق میں کچھ ایسے قرینے کی سزا ہے

کاٹا ہے تراشا ہے پہاڑوں سے اٹھا کر

خو د حُسن ہی اپنا یہ نگینے کی سز ا ہے

احساسِ محبت سے جو محروم ہے ظالم

کافی یہی بے درد کمینے کی سزا ہے

ہر شخص مح ب غم کے سمندر میں ہے ڈوبا

یہ اپنے گناہوں کے سفینے کی سز ا ہے

غزل

گناہگارِ محبت ہو ں مجھے سولی چڑھا دینا

جہاں میں آتشِ الفت ، سزا دیکر بڑھا دینا

یہاں بیوپارِ نفرت ہے محبت کی نہیں چلتی

ہے اس بازار کی شہرت وفا لیکر دغا دینا

دلِ بسمل سنبھل کر چل کہ دیواریں بھی سُنتی ہیں

یہ شیوہ ہی ہے یاروں کا ہوائی کو ہوا دینا

وہ شہلائی نظر تیری جو دل لیکر نہیں دیکھے

تمہی دستِ حنائی سے مجھے وہ دل تھما دینا

محبت کے لیے دل کا گنوا دینا ہی کیا معنی

محبت جاں نثاری ہے غرض سب کچھ لٹا دینا

سب اک آدم سے ہیں پیدا سبھی جنّت کے متوالے

یہی ہے درسِ انسانی مح ب سب کو پڑھا دینا

غزل

شعر کے مصرعے اکٹھے کر لیے

درد کے قصّے اکٹھے کر لیے

ساری تصویریں بنیں پختون کی

جتنے بھی ٹپّے اکٹھے کر لیے

روز د ل بانٹا حسینوں کے لیے

شب کو یہ ٹکڑے اکٹھے کر لیے

ؤں تک رینگی نہ تیرے کان پر 􀳦 ج

کس قدر شکو ے ا کٹھے کر لیے

اک نظر کے سامنے کچھ بھی نہیں

یوں عبث نشے اکٹھے کر لیے

راہِ عشق چلنا محب آساں نہیں

حوصلے ، جذبے اکٹھے کر لیے

غزل

اپنی بے کار سی قسمت کا گِلہ کس سے کروں

تیری صد رنگ طبیعت کا گِلہ کس سے کروں

دیکھتا ہوں تو نہ دیکھے جو نہ دیکھوں دیکھے

ایسی معصوم شرارت کا گِلہ کس سے کروں

چشمِ زیبا میں تو اقرار ہی دیکھا تھا مگر

لب پہ انکارِ محبت کا گِلہ کس سے کروں

یوسفِ مصر کی تاریخ تو زند ہ ہے ابھی

اپنے بھائی کی عداوت کا گِلہ کس سے کروں

بابتِ حُسن تو ہر جائی مح ب ٹھہرا ہوں میں

اپنی رنگین سی فطرت کا گِلہ کس سے کروں

غزل

صحرائے خار و خون میں اپنی قرار ہے

پھر بھی مگر امیدِ گل و لالہ زار ہے

ہر انتہائے شب میں صبحِ نو بہار ہے

تیر ا یہی ستم تو مگر بار بار ہے

قاتل تیری نظر ہے مگر ہائے کیا کروں

اپنے دل و نگاہ پہ کب اختیار ہے

روئے شبِ فراق میں ماتم کناں ہوئے

اظہارِ عشقِ نور میں کا ہے کو عار ہے

احساس کا عذاب سہہ رہا مح ب ہوں میں

اپنی ہی زندگی میرے کندھوں پہ بار ہے

غزل

ملکر جو حسن و عشق نے دیوانہ کر دیا

اس غم نے غم کے بوجھ سے بیگا نہ کر دیا

اُس نے جلائے شہر تو الفت اور بڑھی

غیروں کی الٹی چال نے پروانہ کر دیا

درسِ خودی ضمیر نے اتنے سکھا دیے

غربت میں بھی مزاج کو شاہانہ کر دیا

شمشیر کی چمک پہ کبھی ناز تھا مجھے

زورِ قلم نے اور بھی تابانہ کردیا

ہم نے قدر جو وقت کی جانی نہیں مح ب

اچھی بھلی حیات کو افسانہ کر دیا

غزل

کچھ کچھ ہمیں ہوتا ہے سرِ شام سے پہلے

آنکھوں کا اثر ہوتا ہے اک جام سے پہلے

یہ لوگ ہیں کیونکر مری رسوائی کے پیچھے

آغوش میں لے لو مجھے الزام سے پہلے

جب آگ لگانی تھی تو جلنا تو پڑے گا

سوچا بھی تو ہوتا کبھی ا نجام سے پہلے

شہرت کی طلب ہے کبھی محنت کو نہ بھولیں

کچھ خاص تو کرنا ہے کسی عام سے پہلے

تم دل کی ہر اک بات مح ب شعر نہ کرنا

ایسا نہ ہو ’’بد‘‘ لفظ لگے نام سے پہلے

غزل

رنج و الم کی خاک سے حاصل ہے زندگی

مانا یہی کہ موت سے مشکل ہے زندگی

بڑھ کر رہی انسان سے عظمت جو مال کی

دریائے کشت و خون کا ساحل ہے زندگی

بے حس کو یہ جہان مبارک ہو خوش رہے

احساس اک عذاب ہے قاتل ہے زندگی

جینا بھی ہے اوروں کو جینے دینا بھی یہاں

اس بات پر عمل ہو تو کامل ہے زندگی

بچپن سے اک عذاب ہے پچپن تلک مح ب

جانا کہ عمر قید میں شامل ہے زندگی

غزل

عجب ہے بِن تمھارے جی رہا ہوں

امیدوں کے سہارے جی رہا ہوں

یقیں وعدہ نبھانے کا نہیں ، پر

میں گن گن کر ستارے جی رہا ہوں

احاطہ ہی نہیں ممکن غزل میں

کیا ڈھونڈوں استعارے جی رہا ہوں

قرار آئے کہاں سے ، دل میں بھر کے

محبت کے شرارے جی رہا ہوں

محب میں خوش نظر آتا اگر ہوں

ہیں آنکھوں سے فوارے جی رہا ہوں

غزل

دشتِ ظلمت میں بہاروں کے خواب دیکھے ہیں

گلشنِ دہر میں جلتے گلاب دیکھے ہیں

تشنگی اب بھی ہے احساس کی باقی اپنی

تابشِ حُسن میں اکثر سراب دیکھے ہیں

خود پرستی سے عمر بھر نہ نکل پاتے ہیں

دوست و احباب میں ایسے جناب دیکھے ہیں

مسندِ اہلِ امامت پہ یقیں کیسے ہو

خلعتِ پارسائی میں عذاب دیکھے ہیں

ہر کسی کے نہیں بس میں کہ میکد ے بیٹھے

غم کے مارے ہی تو مست و خراب دیکھے ہیں

یہ مح ب حسن پر ستی یہ دل لگی تیری

عمرِ پیری میں بھی خوابِ شباب د یکھے ہیں

غزل

ہمیں جو مسکراتے ہیں اُسے دل میں بساتے ہیں

جو ہم زخمیں دکھاتے ہیں تو ہم پہ مسکراتے ہیں

حسینوں ، مہ جبینوں کے یہاں نخرے عجب دیکھے

جو آنکھوں سے بلاتے ہیں وہی دل سے بُھلاتے ہیں

اندھیرے ہی رہیں گے یوں کہ ماضی سے نہیں سیکھا

کہ جو احمق بناتے ہیں اُسے رہبر بناتے ہیں

ہمارے سر کے سوداگر ہمِیں پر راج کرتے ہیں

جو کرسی سے اٹھاتے ہیں جہاں سر پر اٹھاتے ہیں

یہ دو رنگی ، یہ نو رنگی نشانِ محشرستاں ہیں

جو اچھے مُنہ دکھاتے ہیں وہی سب کو دُکھاتے ہیں

مح ب یہ رازِ ہستی ہے ، کہ یا رندانہ مستی ہے

جو رازِ دل چُھپاتے ہیں وہ شعروں میں چَھپاتے ہیں

غزل

پھر شام ہوئی دل یادوں سے بہلائیں گے

جو درد ملے ہیں وعدوں سے سہلائیں گے

یوں ناز نہ کر یہ تاروں سے کوئی کہہ دے

ہم اشکوں سے بھی پھولوں کو چمکائیں گے

اک مدت سے موسم نہ بہاروں کا دیکھا

آ خوابوں میں پھولوں کے ہار پہنائیں گے

تھے نظروں سے ہم پوشیدہ جب زندہ تھے

مر جائیں تو پرچم قبر پر لہرائیں گے

اک عمر مح ب احساس کے پنجرے میں گزری

کچھ بھی نہ ملا بس شاعر ہی کہلائیں گے

غزل

دیکھی تیری نظر کے شراروں میں آگ ہے

اب تو سبھی حسین نظاروں میں آگ ہے

تم ساتھ ہو تو دیکھوں خزاں میں بھی پھول پھول

تم ساتھ نہیں ہو تو بہاروں میں آگ ہے

لیکر مجھے وہاں پہ کہ دل کو سکوں ملے

میں ڈوب رہاہوں کہ کناروں میں آگ ہے

ڈھونڈے نہیں ملتا بھی ستار ا نصیب کا

ہم کو تو شبِ ہجر کے تاروں میں آگ ہے

زندوں کے لیے کردو چراغاں کہ کچھ ملے

اوپر چراغ کیا کہ مزاروں میں آگ ہے

اس بزمِ دوستاں میں محب جائیں کس طرح

رکھی منافقت کے اشاروں میں آگ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1998
سے پہلے کی شاعری

رنگِ محفل کو تبسم سے دوبالا کیجیے 
نفرتوں کی شب میں الفت کا اجالا کیجیے

نوکِ مژگاں سے اُٹھا چھلنی کیا پرواہ نہیں

یوں تو ناقدری سے رسوا مت اچھالا کیجیے

آگلے لگ جا پرانی رنجشوں کو بھول کر

چل یہی اک کام دنیا میں نرالا کیجیے

گر تمنا ہے گلستاں عشق کا آباد ہو

نفرتوں کی جھاڑیاں دل سے نکالا کیجیے

زخم دل کے بد دعائیں دیں کہیں نہ کھول کر

تم صدائے عشق کو یوں تو نہ ٹالا کیجیے

اپنا مخلص مان لو اپنا مح ب پہچان لو

پردہ غمازی کا آنکھوں پر نہ ڈالا کیجیے

غزل

ہے دردِ دل ، دوا کا منتظر ہوں

تیری نظرِ رسا کا منتظر ہوں

ابھارے دل میں خود داری کے جذبے

اسی بے خود ادا کا منتظر ہوں

نہ جانے کب ہٹائیں رُخ سے زلفیں

اماؤس میں ضیا کا منتظر ہوں

کہ تیرے قلب پر ہو راج اپنا

محبت کے ہُما کا منتظر ہوں

پسند یہ ہار ہو ں یا خار گل کے

وفا کر کے وفا کا منتظر ہوں

حبیبِ دِل بنائے دل سے بڑھ کر

مح ب بے ریا کا منتظر ہوں

غزل

حیراں ہوں تپش ہی میری آہوں میں نہیں ہے

یا دیدہ وری انکی نگاہوں میں نہیں ہے

سینہ میرا یادوں کاخیالوں کا ہے مدفن

پھر کیا ہوا گر وہ میری باہوں میں نہیں ہے

گمراہ ہوں تو کیسے ملوں قافلہ کے ساتھ

پیروں کا نشاں ہی کوئی راہوں میں نہیں ہے

دوزخ میں ہجرِ یار کے جلتا ہی رہا کیوں

کہ عشق کا کرنا تو گناہوں میں نہیں ہے

کیا دوں دلیل سختئ شبگیر مح ب میں

تارا کوئی قبول گواہوں میں نہیں ہے

غزل

جامِ مے جب سرور لاتا ہے

شورشِ دل ضرور لاتا ہے

بے نیازی دے فکر دنیا سے

عشق ہی وہ شعور لاتا ہے

راحتِ ذات کا فسانہ ہی

نیتوں میں فتور لاتا ہے

حسن کا مجھ پہ ہے اثر ایسا

جو کہ شبنم پہ خور لاتا ہے

بے حسی آتشِ جوانی میں

مہ رخوں میں غرور لاتا ہے

قبلۂ قلب کی درستی دیکھ

کیسے چہرے پہ نُور لاتا ہے

یہ ترانہ ترا مح ب ایسا

ولولوں میں وفور لاتا ہے

غزل

گر ہوگئیں پہچان سے عاری تیری آنکھیں

پھر بھی تو مجھے لگتی ہیں پیاری تیری آنکھیں

مانا کہ شہابی ہیں میرے خونِ جگر سے

مدہوشیاں لاتی ہیں خماری تیری آنکھیں

نیندیں میری راتوں کی اڑا لے گئیں ہیں ساتھ

لگتی ہیں مگر نیند سے بھاری تیری آنکھیں

ہوتا ہے جو مجنوں کا گماں مجھ پہ سبھی کا

مانو کہ قصوروار ہیں ساری تیری آنکھیں

دیکھو توسخنور بھی رہے مہر بہ لب سب

یہ کیفیت کردیتی ہیں طاری تیری آنکھیں

بس میں مح ب علاج طبیبوں کے نہیں ہے

جو ضرب لگا دیتی ہیں کاری تیری آنکھیں

غزل

وعدے یہ حسیں لوگ نبھایا نہیں کرتے

بادل جو گرجتے وہ برسایا نہیں کرتے

جو سلسلۂ اشک سے ہو اور بھی روشن

اس آگ کو پانی سے بجھایا نہیں کرتے

جو نشترِ مژگاں سے مرے دل پہ نقش ہے

وہ عکس تو برسوں میں مٹایا نہیں کرتے

وہ حسن پہ مغرور ہے اس طرح کہ گویا

شعلے کبھی خاکی کوجھکایا نہیں کرتے

سمجھے ہیں کہ دل ہار کے ہم ہار گئے ہیں

جو گھور کے دیکھے وہ ہرایا نہیں کرتے

تم سلطنتِ حسن پہ اتنا نہ کرو ناز

گرتے ہیں جو پُر سانِ رعایا نہیں کرتے

آنکھوں سے ہی آنکھوں میں پڑی عشق کی بنیاد

یہ راز مح ب ایسے بتایا نہیں کرتے

غزل

دیکھ عنادل کہ دل دریدہ ہوئے

موسمِ گل خزاں رسیدہ ہوئے

نام لیوا تو ہیں ہزار مگر

زخم خوردہ تو چیدہ چیدہ ہوئے

دیکھ تاریخ کی کتابوں میں

سرخرو ہیں کہ سر بریدہ ہوئے

یہ سیہ قلب بدلے روپ ایسے

اہلِ دل تب سے بد عقیدہ ہوئے

گلستاں کیوں نہ اجڑے پائیں گے

باغباں ہیں کہ جو ندیدہ ہوئے

نہیں کرتا مح ب کو زیر کوئی

صاحبِ وصف کو خمیدہ ہوئے

غزل

ہے شفق رنگیں نظارہ زندگی

با تبسُم لب اشارہ زندگی

نور و نارِ زیست کی تپ بھی یہی

جذبۂ دل کا شرارہ زندگی

اعتبارِ روز وشب کیا رہ گیا

مضطرب کیسی آوارہ زندگی

بِن سراب و خواب کے کچھ بھی نہیں

حسن و رنگ کا ہے سہارہ زندگی

حسرتوں پہ حسرتیں بڑھتی رہیں

بر سرِ آتش ہے پارہ زندگی

کیا مح ب دو دن بہاریں پھر خزاں

بس یونہی سمجھی اجارہ زندگی

غزل

اشک گرتے ہیں تارے گرتے ہیں

یا شبِ غم کے مارے گرتے ہیں

یہ جو ظالم کو داد ملتی ہے

حوصلے تب ہمارے گرتے ہیں

صاحبِ تخت زرپرست ہو تو

بے کس و بے سہارے گرتے ہیں

ساتھ دے تیرہ شبی کا طوفاں

ضد میں جگنو بے چارے گرتے ہیں

کتنا رنگین کر گیا منظر

خوں کے اس طرح دھارے گرتے ہیں

اب تو جنگل میں بھی ملے نہ پناہ

واں بھی دیکھے شرارے گرتے ہیں

جو بھی حق گو ہوا مح ب اب تو

وہ ہی نظروں سے پیارے گرتے ہیں

غزل

تجھے حیرت ہے کہ میری شکایت بدلی بدلی ہے

محبت بدلی بدلی ہے روایت بدلی بدلی ہے

کہ ظاہر کی ہے صورت اس کی چھوڑو بات بھی دل کی

کہ ہستی کی بزم کی ہر ضرورت بدلی بدلی ہے

یہاں اب چشم تر سے بھی کسک دل میں نہیں آتی

ہیں آنکھیں بدلی بدلی اور حجت بدلی بدلی ہے

خوشی کی صبح میں تو ساتھ دینے کی قسم کھائی

غموں کی شام میں تیری یہ عادت بدلی بدلی ہے

ہوس کے تیر تو پہلی نظر میں ہی نکلتے ہیں

کہ اب دوچار آنکھوں کی شرارت بدلی بدلی ہے

وفاؤں کے یہاں بدلے جفائیں ہی جفائیں ہیں

کہ عاشق کی یہاں طر زِ صداقت بدلی بدلی ہے

کمند تاروں پہ جو ڈالے ہیں اپنی ذات کے قیدی

جوانوں کے جواں جذبوں کی حدت بدلی بدلی ہے

رہے اب خوش بیانی میں اثر باقی مح ب کیسے

کہ ہیں الفاظ بدلے غرض و غایت بدلی بدلی ہے

غزل

تیری نظر ہے میری آس بڑھانے کے لیے

نہیں ہے ورنہ کوئی ساتھ نبھانے کے لیے

زبان و دل و ذہن ایک ہوا چاہتے ہیں

تیرے ستم کا یہ نظام مٹانے کے لیے

اپنا ماضی تو ہے مثال جہاں کے واسطے

کیا تماشہ ہے تیرا حال زمانے کے لیے

تیری آنکھوں کی خود مختار سی اسمبلی میں

دل بھی حاضر ہے اک سوال اٹھانے کے لیے

تیرا رنگین سیاسی مزاج کیا کہنا

یہ کتنے جھوٹ بولے ایک بہانے کے لیے

یہی اشعارِ مح ب گونج اٹھیں گے ہر سُ و

گر ہوئی سعی تیری آہ دبانے کے لیے

غزل

یہ جو بیتاب ہو رہا ہوں میں

دل کو سینے سے کھو رہا ہوں میں

میں تو محوِ خیال یار رہا

وہ یہ سمجھے کہ سو رہا ہوں میں

آزمائش کی ضرورت کیا ہے

میں وہی ہوں کہ جو رہا ہوں میں

داغِ دل ہیں کہ مٹ نہیں جاتے

اشک سے روز دھو رہا ہوں میں

خار زاروں میں خوں مح ب دیکر

تخم الفت کا بو رہا ہوں میں

غزل

سدا ہم تم رہے مِل کر سدا یہ پیار رکھنا ہے

ہمارے ربطِ باہم کو نظر دوچار رکھنا ہے

یہ ارماں سب ملے باہم بہ منزل کارواں بن کر

بکھرنے پائے نہ موتی گلے کا ہار رکھنا ہے

کہ لغزش ہو ہی جاتی ہے مگر اب فکرِ فردا کر

سدا آبادئ گلشن کا بھی پندار رکھنا ہے

یہی سب پھول ہوتے ہیں یہ رنگ و ذات کیا معنی

ہمیں نکہت و نسبت کو تو برقرار رکھنا ہے

ارے جہلم و راوی میں لہو سیلاب ہے کیسے

کیا میری جان پر گزری دھیاں اُس پار رکھنا ہے

یہی الفت کا ہے قصہ کہ لاثانی ہی رہتا ہے

اسی تاریخِ الفت کو بلند معیار رکھنا ہے

کہ طوفانوں میں بھی اپنے دیے روشن ہی رکھنے ہیں

مح ب یہ حوصلہ اپنا مگر کوہسار رکھنا ہے

غزل

شبِ ہجران نے وہ گزرے زمانے چھیڑے

ہم نے اشعار میں رنگین فسانے چھیڑے

شیخ بھی دور میں شامل ہوئے رقصاں ہو کر

عشقِ امروز نے کچھ ایسے ترانے چھیڑے

مسکراہٹ تھی لبِ یار پہ پیاری پیاری

پر اسی شخص نے اب کیسے بہانے چھیڑے

چاک کلیوں کے ہیں سینے مگر ہنستے ہنستے

منظرِ صبح نے جو زخم پرانے چھیڑے

مرے احساس کو مدہوشیاں دیں نفرت کی

مطربِ وقت نے کیا ساز نہ جانے چھیڑے

مسکرا کر تو نہ چھیڑو دل جلے یہ بندے

آتشِ شمع نے ہنس ہنس کے پروانے چھیڑے

آنکھیں وا ہو گئیں روشن ہوئی دنیا اپنی

رخ سے ہٹ کر جو مح ب زلف نے شانے چھیڑے

غزل

دل کہ ہے آزاد قید و بندِ صبح وشام سے

زندگی اب تو عبارت ہی ہے تیرے نام سے

دل نہ کھوتا میں نہ سنگِ راہ ہوتے غیر بھی

جو شرارت ہے تیرے در سے ہے تیرے بام سے

اک وہی ہے شخص میرا سامنا کرتا نہیں

ایک دل میرا بسایا بھی ہے احترام سے

اپنے گیسو کی درازی پر بہت مغرور ہے

مجھ کو رہتا خوف ہے کچھ اس طرح کے دام سے

یہ مہذب خونِ انساں پر مگر پلتے رہے

چھِڑ بھی تھی جس کو کہ دورِ آقا و غلام سے

اب تو دکھ برداشت سے باہر ہوئے دوران کے

واسطہ کیا رہ گیا باقی ہے مے و جام سے

مشورہ مانگوں مح ب کِس کِس سے اپنے زیست کا

اس جگہ سب کو گلہ ہے اپنے اپنے کام سے

غزل

اجیرن ہو گیا جینا زہر خوردہ فضائیں ہیں

جفاؤں سے شکست خوردہ وفائیں ہی وفائیں ہیں

نہیں مغرور ہوں لیکن میں ہوں معذور ہنْسنے سے

کہ ہر جانب سے آوارد یہ شب خونی بلائیں ہیں

اڑاتی ہوش ہے ایسی کہ گمراہی مقدر ہو

عیاری سے بھری دنیا فریبی سب ادائیں ہیں

فسردہ ہے شعور اپنا مخاطب ہیں بتانِ سنگ

ہے لا حاصل سعی اپنی کہ صحرا میں صدائیں ہیں

بہاروں کا ہوا چرچا قدر جانی نہ پھولوں کی

اُجڑتا ہی رہا گلشن یہ اپنی ہی خطائیں ہیں

چمکتی کہکشاؤں میں ہوئے گم آس کے تارے

یہ کیا خونی شفق پھولی یہ کیا غمگیں صبائیں ہیں

تو ایسے میں مح ب اپنی نظر کس سمت رکھنی ہے

سیہ کاروں کے جسموں پر سفیدی کی قبائیں ہیں

غزل

کیا اپنی وفا کو نظر لگ گئی

جو تیری جفا کی خبر لگ گئی

تجھے یاد آیا کہ شائد میری

بمشکل سہی چشم تر لگ گئی

سما سیپ من میں دی اشک دکھی

تو اب ہاتھ کانِ گُہر لگ گئی

جو آتے ہی دنیا میں رونے لگا

یہ غم کی مجھے مستقر لگ گئی

محبت ہماری تمہاری ہو سچ

تو رسوائی کی کیا خطر لگ گئی

میرے درد و غم پر ہوئے خندہ زن

جو گل کو نسیمِ سحر لگ گئی

نہ جانے مح ب کب ہو احساسِ عشق

کہ اک عمر تو برابر لگ گئی

غزل

پھیلے ہر سُو رنگ جو بہار کے

رنگ ہمارا اُڑ گیا دل ہار کے

ایک تم کو ہے ہمارا پاس نا ! کیسے بلبل منتظر ہیں پیار کے

دل کے بدلے کچھ نہیں ہیں ساتھ میں

کیسے بیوپاری ہیں اس بازار کے

دل کے کورے رنگ کے گو شوخ ہیں

بے مہک مانند ہیں گلنار کے

تم کو گر عادت نہیں اقرار کی

ہم بھی تو عادی نہیں انکار کے

کیا مح ب وہ تیرِ مژگاں پھینک کر

ساتھ جیسے پھول کھلتے نار کے

غزل

خیر تو ہے مزاج کیسا ہے

رنگ تیرا یہ آج کیسا ہے

ذہن انکا ہے سر تو ہے تیرا

دیکھ غیروں کا تاج کیسا ہے

اوس سی پڑ گئی ہے حسرت پر

دل میں روشن سراج کیسا ہے

قوم بیمار و گھن محبت سے

اس کے سِوا علاج کیسا ہے

اپنے سردار سرِ دار کیے

اپنا رسم و رواج کیسا ہے

تجھ کو اپنے پہ اختیار نہیں

پر مح ب پر یہ راج کیسا ہے

غزل

اب کہاں ان پہ اعتبار رہا

بے وفا جب مرا نگار رہا

عمر بھر یوں ہی اشکبار رہا

مسکراہٹ کا انتظار رہا

گویا سکت نہیں رہی دل میں

دل کا پارہ تو بے قرار رہا

خوف نہ تھی آتشِ نمرود سے جب

بخت انکا ہی گلعزار رہا

جستجو پھول کی سدا کی ہے

رستۂ زیست خار دار رہا

درد جو دل کے ساتھ ساتھ رہا

حوصلہ اپنا کوہسار رہا

تیرے کہنے کی دیر ہی تھی مح ب

ورنہ جذبہ تو آر پار رہا

غزل

دلِ خوش فہم نے ماحول عجب پایا ہے

صاحبِ طرز کو ہی جان بہ لب پایا ہے

چاند بے نور ہے وہ آسِ سحر ساتھ نہیں

شوم قسمت نے وہی درجۂ شب پایا ہے

جو اڑاتے رہے مذاق ادیبوں کے تھے

ہم نے اس شہر میں اک ایسا ادب پایا ہے

جان جائے جہان جائے تو انکار کیسے

عشق میں دنیا و مافیہا کا سب پایا ہے

ذات کی قید سے آزاد ہے آزاد وہ ہے

فرقہ و رنگ سے غافل نے نسب پایا ہے

کردو اظہارِ محبت بھی مح ب جرأت سے

چند صداؤں سے کسی نے یہاں کب پایا ہے

غزل

تمناؤں نے دل میں لی انگڑائی

تصور میں پھر آبسی رعنائی

مجھے زیب و زینتِ دنیا سے کیا ہے

کہ ہے تیری یادوں کی دنیا بسائی

نہ میں لا سکا تجھ میں الفت سے رغبت

ہے گرچہ تپش تیرے حُسن سے پائی

جو شب میں نے روشن کی تیرے لیے ہے

وہ شب تیرے ذہن و تصور پہ چھائی

تیری سرد مہری میری بے حسی ہے

سکوں روح کا تیری جلوہ نمائی

جہاں سب مح ب ذات کے گیت گائیں

تو بے کار ملّت کی نغمہ سرائی

غزل

یہ آرزوئے طول کیا کہنا

وہ بار بار بھول کیا کہنا

جو خود ہی درد سکونِ درد بھی ہو

وہ آنکھ ، خار و پھول کیا کہنا

یہ دل جلوں پہ تیری محفل میں

وہ شکستہ اصول کیا کہنا

دیارِ عشق کی کٹھن راہیں

ہر قدم پر ملول کیا کہنا

دلِ ویراں مح ب ، ہی سب کچھ ہے

زندگی کا حصول کیا کہنا

غزل

اک زندگی گئی کہ بہاراں گزر گیا

آنکھیں کھلیں تو خواب حسیں تھا بکھر گیا

سینے میں آگ بھی تو لگائی اسی نے تھی

ان سے بجھی کہ نم سے گریباں جو بھر گیا

مر کر مریضِ عشق کو غم سے ملی نجات

گویا مریض سے تپِ ہجراں اتر گیا

اب تک کسی کے آس سہارے تھے جی رہے

اب موت ہی بھلی ہے کہ مل کر مکر گیا

لے کر گیا ہے ساتھ وہ قلب و نظر مرے

کہتے ہیں لوگ میری زباں سے اثر گیا

آئی نظر کسی کو نہ جب زندہ لاش تھی

سمجھے ہیں اب کہ خاک کا جو ڈھیر اُبھر گیا

جل جائے گا وہ خود کہ جلایا مح ب کو ہے

ان تک ہماری آہ کا گر اک شرر گیا

غزل

میں کسی مجنون سے دل کا جنوں کیا پوچھ لوں

اک مریضِ عشق سے دل کا سکوں کیا پوچھ لوں

بر لبِ دریا شفق کے رنگ بکھرے اس طرح

کیسے یہ بہتا رہا کس کا ہے خوں کیا پوچھ لوں

مار ڈالا ہے کسی کی صورتِ معصوم نے

آنکھ بھا جائے تو پھر حالِ دروں کیا پوچھ لوں

غیر کے ہاتھوں میں خود ہی باگ اپنی دے جودی

اب میں ایسے شخص کا حالِ زبوں کیا پوچھ لوں

اب تو اپنے آپ کا میں رہ سکا نہ یار کا

تحفہ اپنے وقت کا طرزِ فسوں کیا پوچھ لوں

زندگی میں تو کسی سُکھ سے تعارف ہی نہیں

جوتشی سے میں مح ب فال و شگوں کیا پوچھ لوں

غزل

شُکرہے آج تو تجھ کو ہمارا بھی خیال آیا

کہ تیرا عکس خوابوں میں بنا پرسان حال آیا

چمن میں سامنے پھولوں کے تیرا نام جو لیتا

تصور میں اور نکھرا تیرا حُسن و جمال آیا

ہمارے دل کے بدلے چند نظر کے تیر ہی بھیجو

تو سمجھیں گے کہ کچھ تیری روش میں اعتدال آیا

کہاں وہ دن کہاں یہ دن تلّون پر ہوں میں حیراں

وہی تن من وہی انساں مسرت میں ملال آیا

ہیں اپنی ہمت و تدبیر انکے سامنے بے بس

کہ اپنی قسمت و تقدیر کا کمزور فال آیا

فریبی رنگ و روغن کی مح ب رنگین تصویریں

نکلنے کا نہیں رستہ کوئی جو زیرِ جال آیا

غزل

کوئی اہلِ دل ، اہلِ نظر نہیں ہے

یہ سب تو فریبِ نظر و یقیں ہے

جنوں کا یہ جذبہ تمہی نے ابھارا

یہ تیکی نگاہ تیری کیوں نکتہ چیں ہے

ہے اندر صدائے مصیبت مصیبت

مزارِ گناہگار گرچہ حسیں ہے

جہاں خار کو بھی ملی گل کی صحبت

ہماری طبیعت تو مثلِ زمیں ہے

ہوئی ہم سے آدابِ محفل میں غفلت

کہ ساقی ہے برہم شکن بر جبیں ہے

مح ب کو خبر کیا زمان و مکاں کی

کہ جب تک وہی میرے دل میں مکیں ہے

غزل

ہم سے ہماری قسمتِ بخیل کا نہ پوچھ

اک لاش سے تو جبر کی دلیل کا نہ پوچھ

ہم اک اشارے پر گئے ہیں جان سے گزر

بس اور انکے حکم کی تعمیل کا نہ پوچھ

لاکھوں جتن کے بعد بھی منزل سے دور ہم

کیا کیا نہیں کیے کسی سبیل کا نہ پوچھ

اک ہی نظر سے ڈوب گئے ڈوبتے گئے

حالات کچھ تو ڈوبتے سے جھیل کا نہ پوچھ

ہر دن ہزار زخم ملے ہیں ہزار غم

آگے ہمارے عشق کی تفصیل کا نہ پوچھ

دنیا کے سنگ دلوں سے گِلہ کس لیے مح ب

نابینا سے اجالے و قندیل کا نہ پوچھ

غزل

یہاں کسی سے کوئی ماتمِ نصیب کرے

سب آہ بھرتے رہے ہیں کسے قریب کرے

کہاں اسے رہی فرصت سنور کے بننے سے

کہ جھونپڑے میں کہیں پرسشِ غریب کرے

اب ایساخوف بھی انسان کو انساں سے ہے

کہ فراموش بھی وہ قصۂ آسیب کرے

جو زاغ ، باغ میں مسند نشین ہو بیٹھے

تو دشتِ خاک میں کیا زیست عندلیب کرے

کرے جو نظرِ التفات یار خود ہی جسے

تو کیا جواز ہے جو شکوۂ رقیب کرے

ابھی تو گنجِ محبت ہے اپنا سرمایہ

یہی اثاثہ مح ب صدقۂ حبیب کرے

غزل

زندگی ہے مجھے کلام نہیں

اب مگر آس بھری شام نہیں

اپنے اب غیر کی نظر دیکھے

غیر تو موردِ الزام نہیں

اک قیامت کہ ہے بپا ہر سُ و

کس طرح جَور ہے جو عام نہیں

وقت تم پر نثار ہونے کا

جب بھی آئے تو سر سے کام نہیں

قلبِ زاہد پہ ہے جو لب پہ نہیں

ایسے کردار کو دوام نہیں

غم ترا ہوش لے گیا ایسے

اب کوئی احتیاجِ جام نہیں

دردِ آدم مح ب بیان کرے

یہ کوئی قصۂ گلفام نہیں

غزل

جو دنیا میں اہلِ وفا ڈھونڈتا ہوں

تو یہ زخمِ دل کی دوا ڈھونڈتا ہوں

مجھے بھی دکھا دے جو منزل کی راہیں

شبِ تیرگی میں ضیا ڈھونڈتا ہوں

میں شبنم بہ گل دیکھ لوں تیری خاطر

ہر اک شے میں حُسن ترا ڈھونڈتا ہوں

بھُلا دے کہ مجھ سے جو ماحول میرا

میں صہبا وہی ہوشربا ڈھونڈتا ہوں

سیاہ و سفید کی پرکھ ہو جہاں پہ

پسند کی میں اک ایسی جا ڈھونڈتا ہوں

کہ جس سے ہو احساس کے شعلے بھڑکے

ادا بند ایسی ادا ڈھونڈتا ہوں

کہ چُھوٹے مح ب سے یہ شہر ہمیشہ

میں پُر کیف ایسی فضا ڈھونڈتا ہوں

غزل

مسکراؤ کہ قرار آجائے

دشتِ ارماں میں بہار آجائے

کچھ تو اس طرح ملاؤ آنکھیں

کہ چھلکتے ہی خُمار آجائے

مرکے جی لوں بہ تبسّم تیرے

أدُور تیرا نہ تغافل گرچہ 􀳦 لمحہ یہ بار بار آجاء

اشک میں آبشار آجائے

دل تو ہم دے ہی چکے ہیں انکو

کیسے پھر خوفِ دار آجائے

ہیں مح ب ایسے غزلزار لمحے

در شبِ ہجر یار آجائے

غزل

کس پہ بگڑا ہے رام رام دھواں اٹھتا ہے

شرق میں پھر سے لبِ بام دھواں اٹھتا ہے

لب و رخسار پہ چھائے ہیں ابر زلفوں کے

یا شفق پر کہ سرِ شام دھواں اٹھتا ہے

دل جلا میں ہی نہیں ہوں کہ رورہا ہوں میں

نظرآتا ہے ہر مقام دھواں اٹھتا ہے

تجھ کو اپنے سوا کوئی نظر نہیں آتا

چھائی تاریکیاں ہیں عام دھواں اٹھتا ہے

کرلے ماتم تو مح ب کون جلی لاشوں پر

کہ از ہنگامۂ ہنگام دھواں اٹھتا ہے

غزل

اے کاش مرے خواب کی تعبیر بھی مل جائے

رنگین تصور کی وہ تصویر بھی مل جائے

پھولوں سے ستاروں سے ترے رنگ کہ چن لوں میں

بکھری ہوئی افکار کو زنجیر بھی مل جائے

بھولا غمِ جاناں تو غمِ جان کے ڈر سے ہے

اس پر غمِ دوران کی تاثیر بھی مل جائے

اس شخص کو زبان میں کمال بھی حاصل ہے

اب بزم میں اظہار کی تدبیر بھی مل جائے

ملتا دلِ بینا نہیں پر حُسن کرے کیا پھر

گمراہ ہو جاہل کو اگر پیر بھی مل جائے

رنگین جبیں پر جو وہ تحریر شکستہ ہے

دھوکے میں رہے ماہرِ تحریر بھی مل جائے

ہے علم و ہنر عقل و خرد خوب مگر یہ کہ

کیا خوب مح ب ساتھ میں تقدیر بھی مل جائے

غزل

تصور میں جو پایا آپ کو زلفِ پریشاں میں

جبھی تو مطمئن ہے دل شبِ تاریک ہجراں میں

نظر پڑتی ہے حسن و رنگِ دنیا پر کبھی اپنی

تو اپنے آپ کو میں دیکھتاہوں نورِ عرفاں میں

اگر میں لاکھ تیرے عشق سے انکار کر جاؤں

تیری نظرِ حسیں کے نقش پاتا اپنی ہی جاں میں

جہانِ آب و گل میں تو کسی کو بھی نہیں راحت

یہاں توہر کوئی ڈوبا رہا حسرت و ارماں میں

مجھے کیونکر ہو تیرے عشق میں پرواہ غیروں کی

کہ اپنے دل کو پاتا ہوں مح ب تاثیرِ یزداں میں

غزل

دنیا جو کہتی رہے کہتی ہے

درد کی عشق سے یکجہتی ہے

ہوش نہیں جان و جہاں کی مجھ کو

اب کیا کوئی کسر رہتی ہے

ہم ہیں محروم کہ ساقی تیری

گنگا اُلٹی بزم میں بہتی ہے

یار و اغیار کی دیکھوں گٹھ جوڑ

روح سوہن کا درد سہتی ہے

عقل و دانش مح ب غلام اس کے

مالِ دنیا تو اس کی مہتی ہے

غزل

اب کوئی خواہشِ حیات نہیں

جو تیری نظرِ التفات نہیں

راہِ منزل طویل و تنہائی

چار دو ہی قدم کی بات نہیں

خضر کی عمر تشنگی باقی

کہ کوئی حدِ خوہشات نہیں

راہ اب تک نظر نہیں آئی

گرچہ بے صبح کوئی رات نہیں

دل کی صحرائیں خار زار رہیں

پر مح ب موسمِ برسات نہیں

غزل

سامان قفس میں بھی ملے چاہے عدن کا

بلبل کی نظر میں تو کھِلے رنگ چمن کا

میں بھی نظرانداز ادائیں تیری کرتا

ہوتا اگر اختیار میں احساس ہی من کا

چاہے مجھے ٹھکرادیں کہ یا پاس بلا لیں

تجھ بِن تو نہیں آسرا دنیا میں اپن کا

آہوں میرے دردوں کے عکس ہیں میرے اشعار

یہ تو محض اظہار نہیں ہے مرے فن کا

تم پاس رہے پھر بھی تھی ماحول پہ نظریں

تیرا ہی نہیں دیکھ مح ب ہے یہ وطن کا

غزل

جب شمس و قمرزینتِ افلاک رہیں گے

یہ صاحبِ احساس تو بے باک رہیں گے

سینے میں دبی آتشِ جذبات تو دیکھو

اشکوں سے گریبان تو نمناک رہیں گے

جو زاغ و زغن مل کے کرے شور فضا میں

بلبل کے وہ نغماتِ چمن خاک رہیں گے

کیا جانیے اوروں کا ہی دکھ درد بھلا ہم

خود غرضی و خود بینی میں چالاک رہیں گے

جب تک نہ تمہیں مردہ ضمیرو نہ جگائیں

زخموں سے بھرے درد کے دل چاک رہیں گے

دل ولولۂ عشق سے لبریز مح ب ہے

دکھ غم سے بھرے شعر تو پوشاک رہیں گے

غزل

تم روٹھ گئے رنگ بہاروں کے اُڑ گئے

پھنسے جو بھنور عزم کناروں کے اُڑ گئے

اغیار نے جب عہدِ وفا دیکھا ہمارا

پہلی ہی نظر ہوش ہی پیاروں کے اُڑ گئے

اپنوں میں دِکھی طنز بھری مسکراہٹیں

پھر کیا ہے پرخچے جو سہاروں کے اُڑ گئے

ہر لمحہ کہ ہم تیری حسیں یاد میں گم ہیں

گویا کہ کہیں سنگ ستاروں کے اُڑ گئے

اس شوخ کے انداز کی تاثیر مح ب واہ

ہر ناز پہ دل ایسے ہزاروں کے اُڑ گئے

غزل

نظر کے خار پہ دل کا گلاب دے ہی دیا

محاذِ عشق پہ تیرا جواب دے ہی دیا

کبھی تو تیری یہی کج ادائی دور کروں

اسی خیال میں اپنا شباب دے ہی دیا

’’ بہائے اشک تو شعلے مزید بھڑکے رہے

کہ جیسے آگ کو آبِ کباب دے ہی دیا ،، )ٔ )

جو تو نے آہِ محبت کو دبایا ہے مری

اور جلا کے رخِ انقلاب دے ہی دیا

حسیں نظر تھی جو مہمان بنی دل میں مرے

جو میزبان کو جاتے عذاب دے ہی دیا

تم انتخابِ گل میں طاق تو بڑا تھا مح ب

کہوں میں کیابھی کہ بخت نے سراب دے ہی دیا

(ٔ) خیال، رحمان بابا

غزل

کوئی حسرت بجز جاناں نہیں ہے

غمِ دل کا کوئی درماں نہیں ہے

نقش گہرے میری مہرو وفا کے

مٹانا بھی کوئی آساں نہی ہے

وہ لیتا ہے مگر دیتا نہیں دل

میں رولوں کیوں کہ وہ ناداں نہیں ہے

وہ بستا دل میں ہے پر دل کہاں ہے

سمجھ لاشہ ، کہ میری جاں نہیں ہے

بھٹکتا میں رہا تاریکیوں میں

شکن ہے برجبیں تاباں نہیں ہے

مح ب سمجھو اسے قاتل ہی اپنا

مسیحا ہے مگر پرُساں نہیں ہے

غزل

دلانے یاد آیا ہوں میں اپنی داستاں تجھ کو

کہ جب توُ روح سمجھا تھا مجھے میں اپنی جاں تجھ کو

کبھی ہم دھڑکنوں میں ایک دوسرے کے بھی رہتے تھے

ذرا سوچو بھی تو کیا کچھ ہے احساسِ زیاں تجھ کو

یہ تیری کج ادائی سے ہوئے ہیں فاصلے پیدا

کہ اب ڈھونڈے نہیں ملتا وہ اپنا کاروں تجھ کو

تیری قربت سے پاتا ہوں بہت تسکین خوابوں میں

مگر پاتا ہوں بیداری میں تو نامہرباں تجھ کو

یہی تو نفرتوں کے بیج بوتے ہیں بہ صد افسوس

کہ پھر بھی دیکھتا غیروں کے ہوں میں درمیاں تجھ کو

ہیں الفت کی کٹھن راہیں مح ب ثابت قدم رہنا

ابھی تو پاس کرنے ہیں بہت سے امتحاں تجھ کو

غزل

آؤ بنیاد محبت کو فراہم کرلیں

بدگمانی کا ازالہ پھر سے باہم کرلیں

سرد آہوں گرم سانسوں کا بہاراں موسم

یوں محبت بھری نظروں کا تصادم کرلیں

اپنی منزل پہ وہی محفلِ انجم پانے

اپنے بچھڑے ہوئے یاروں کو ہم قدم کر لیں

زندگی کی انہی خاردار کٹھن راہوں پر

ہمتوں سے خشک ہونٹوں پِہ تبسّم کرلیں

تلخیاں زیست کی شیرین بنا لینی ہیں

آؤ مانندِ مگس خود کو منظم کرلیں

جائے گل اپنی مح ب زُلف میں گر لینی ہے

خود کو دانے کی طرح خاک سے بھی کم کرلیں

غزل

جنہیں حال اپنا سنانے لگا

وہ غم کا ترانہ ہی گانے لگا

ہو جیسے نہ پہچان ان سے کوئی

بنا کے مُنہ ویسے ہی جانے لگا

کسے قلبِ بسمل کی باتیں کروں

مسیحا ہی جب دل دُکھانے لگا

شبِ غم میں چھوڑے ہیں تارے بھی ساتھ

تو دل اشک سے ہی بہلانے لگا

مجاز و حقیقت کا فرق اب کہاں

سماء تیرگی کا ہے چھانے لگا

یہ آہیں مح ب تیرے اشعار میں

کوئی شخص یادوں میں آنے لگا

غزل

تجھے دل ہی دے چکے ہیں تیری اک نظر کی خاطر

کوئی ہو سکا مداوا نہ زخمِ جگر کی خاطر

یونہی کب تلک رہے گا یہی طرز سنگ دلانہ

رکھو دل میں نرم گوشہ میری چشمِ تر کی خاطر

نہ نشانِ کارواں ہے نہ سمجھ ہے منزلوں کی

لُٹا سب متاعِ دنیا کسی ہم سفر کی خاطر

یہ امیدِ صبحِ روشن ، کا وفا ہو وعدہ شائد

رات جاگتے گزاری خوش آئند خبر کی خاطر

وقت کیوں نہ مسکرائے پیار کیوں نہ رنگ لائے

خون دل کا دے چکے ہیں ساۂ شجر کی خاطر

کہ مح ب نے چھان مارے چاند تارے پھول جگنو

سارا حُسن ہے نظر میں اُسی اک اثر کی خاطر

غزل

ذوق باقی نہ رہا جینے کا

اب کہ موسم نہ رہا پینے کا

خون جب بھی سفید ہوتا ہے

پرکھ ہوتا نہیں نگینے کا

حُسنِ یثرب نہ ہو پریشاں کیوں

عشق غافل رہا مدینے کا

دکھ بھری زندگی کے ماروں کو

فرق نہیں سال کا مہینے کا

گنجِ رخسار و مار زلفوں کے

دستِ قارون ہے دفینے کا

بحرِ ظلمت یہ تلاطم خیزی

ناخدا بن میرے سفینے کا

اشک جوہر یہ مح ب تیرے ہیں

رُخ پِہ قطرہ ہے جو پسینے کا

غزل

تیرے ہونٹوں پہ نظر آتی ہے لالی کیسے

یہ میرا خونِ جگر ہے تو خوشحالی کیسے

تیرے بِن زیست کا میں سوچ بھی نہیں سکتا

تو نے راحت غیر کے سنگ ہے پالی کیسے

گلشنِ حُسن پہ ہم جان سے گزر جائیں

ہے رقیبوں کو بنایا گیا مالی کیسے

دل مِرا لُوٹ کے لے کر گئیں آنکھیں تیری

اب کے لوٹوں گا تیرے در سے تو خالی کیسے

یہ میرا حق ہے کہ مانگوں میں محبت اپنی

دل کے اپنے لیے بن جاؤں سوالی کیسے

عقل سے عشق میں بیگانہ مح ب ہو جائے

اپنا انداز غزل میں ہو مثالی کیسے

غزل

جانے یہ کیسی ہوا آئی ہے

محفلِ زیست کو رُلائی ہے

اب جو نظرِ کرم نہیں تجھ میں

رمز کچھ غیر کی سمائی ہے

دل کے زخموں کے واسطے پیارے

مسکراہٹ میں مسیحائی ہے

اپنی حالت پِہ تبسم تیرا

کج ادائی یا دلرُبائی ہے

سب وفائیں کروں میں تیرے نام

اپنی قسمت تو بے وفائی ہے

تشنہ اعصابِ مح ب پر پھر سے

فکرِ ابرِ بہار چھائی ہے

غزل

زیست کے دشت کو گلزار بنانے آجا

بجھتی اس شمع کو اک شعلہ دکھانے آجا

یاد سے تیری تن و روح کا رشتہ اپنا

اپنی یادوں کی طرح آپ ملانے آجا

داغِ دل ایک تبسّم پِہ مہک جاتے ہیں

دل کے صحرا میں تو کچھ پھول کھِلانے آجا

تن بدن ساتھ نہیں جان تو ہے ایک اپنی

فاصلے ، مرحلے مادی کے مٹانے آجا

کیوں شرارت پہ یوں غیروں کے بہک جاتے ہو

اپنی الفت کے قدردان کو پانے آجا

غمِ جاناں، فکرِ دوراں میں مح ب ہے تنہا

خیر کے کام میں کچھ ہاتھ بٹانے آجا

غزل

خوب ہے ایک نظر سے جو مِرا دل نکلے

تم مگر میری وفاؤں کے بھی قاتل نکلے

دیکھتے ہی مجھے یوں رنگ بدلنا تیرا

جیسے کعبے میں حق آجانے سے باطل نکلے

تیری آنکھوں میں جو دیکھا دلِ بسمل اپنا

جیسے رُخسار سجانے کو تِرا تِل نکلے

کام ہی آ نہ سکی سخن طرازی اپنی

جبکہ احساس سے محروم وہ جاہل نکلے

اپنے اک قتل کا غیروں سے گِلہ کیا معنی

یار ہی دستِ خون آلود کے حامل نکلے

دل ہے سینے میں کہاں اب کہ ملالوں آنکھیں

گو رقیبان تیری بزم کے قابل نکلے

غم کے ساگر میں مح ب تیر کے گھِرتا جائے

اب کہ صورت تو کوئی جانبِ ساحل نکلے

غزل

اگر میں اپنے دردوغم کا افشاں راز کرجاؤں

تو سارے سنگ دلانِ بزم کو گداز کرجاؤں

گلانِ گلشن و معصوم کلیاں روندنے والو

میں کیوں غمگیں نوا بلبل نظر انداز کرجاؤں

کہ سچ کہنے پہ بن جاتے ہیں میری جان کے دشمن

سب اچھا کہہ کے خود کو صاحبِ اعزاز کر جاؤں

رہی یہ زندگی غفلت کے خارستان پر تیری

تیری کن کن اداؤں پرمیں فخرو ناز کرجاؤں

تجھے بھاری گزرتی ہے یہ میری اشک باری بھی

تیری محفل میں کیسے آپ کو ممتاز کر جاؤں

مح ب یہ زندگی اپنی قفس کی قید میں گزری

یہ کہتی روح ہے اپنی کہ بس پرواز کرجاؤں

غزل

نسیم لائی ہے پیغامِ سحر ساتھ چلو

اپنی منزل کو کر آغازِ سفر ساتھ چلو

بجھتے چہروں کی مناظر سے یوں مایوس نہ ہو

کہ دلوں میں ابھی باقی ہے شرر ساتھ چلو

ساگرِ غم میں جو نفرت ہے یہاں پھیلا ہوا

پیار کے ڈھونڈ نکالیں گے گُہر ساتھ چلو

دیکھ پر امن کے پنچھی کے پڑے ہیں جو جلے

آج لائی ہے شفق نے یہ خبر ساتھ چلو

ہیں جو اس پیار کے گلشن کے اُجڑنے پہ تُلے

مارِ استین پہ رکھو بھی نظر ساتھ چلو

جہدِ اخلاص مح ب رائیگاں جاتی ہی نہیں

منزلِ عشق میں پائیں گے ثمر ساتھ چلو

غزل

ثبت کرتا ہوں جو بے کیف فسانہ اپنا

غمستانوں میں گزارا ہے زمانہ اپنا

ہیں تبسّم بھی یہاں پیار سے بیگانے کیوں

شہر ہوتے ہوئے بھی دل ہے ویرانہ اپنا

اپنے دل میں کہ بساتے ہیں وہ آنکھیں جن کی

وہ ہی مسکن کو بناتے ہیں نشانہ اپنا

آتشِ بغض میں جلتے ہو یہاں محفل میں

واں بھی سمجھو کہ یہی ہوگا ٹھکانہ اپنا

دل پہ کیونکر نہ ہو کارگر وہ فریبی چالیں

کس طرح لب پہ سجاتا ہے بہانہ اپنا

یہ شکایات مح ب اپنے وطن سے کیسے

مانگتا وہ بھی تو تم سے ہے ترانہ اپنا

غزل

تیرے دل میںُ اترنا بھول بیٹھے

یہ کونسا کام کرنا بھول بیٹھے

تیری آنکھوں میں کھوئے اس طرح سے

کہ ڈوبے تو ابھرنا بھول بیٹھے

کٹھن گزری جو اپنی زندگی ہے

تو اب مرنے سے ڈرنا بھول بیٹھے

سدھر جانے کو کہتا ہے ہمیں سے

مگر خود وہ سدھرنا بھول بیٹھے

عمر گزری ہے اپنی روتے روتے

کہ اب ہم آہ بھرنا بھول بیٹھے

درِ جاناں مح ب جانا بھی ہوگا

مگر بن کر سنورنا بھول بیٹھے

غزل

لو اب جیون میں ایسے موڑ آئے

کہ اپنے آپ کو جھنجھوڑ آئے

بچھڑنا ، ڈوبنا ہوتا مقدر

کہ خود کشتی کو اپنی توڑ آئے

نہیں صحرائے دل میں پھول تیرے

لہو اپنا اگر نچوڑ آئے

خیالِ موت اور حیات کیا ہے

یہاں تک دکھ سے رشتہ جوڑ آئے

جو دل دے کر ہی کرلی دوستی ہے

تو اپنے ہاتھ ہم مروڑ آئے

فرشتو! اب مح ب سے پوچھنا کیا

غموں کے داستاں تو چھوڑ آئے

غزل

تب ہی سے ملی زیست کہ جب عشق میں کھوئے

ہیں رنگ جہاں باد کے سب اس میں سموئے

دل لے گیا پر دی ہے محبت کی نشانی

پلکوں میں مِرے اشک کے موتی ہیں پروئے

اک لمحہ بھی تصویر تصور سے نہیں دور

ہر شب تیری یادوں کے گلستان میں سوئے

پھولوں کی طرح دل کے زخم کھِل گئے سارے

آنکھوں میں میری بیج کہ تُو پیار کے بوئے

ہر شام بھری آس کے تاروں سے ہے جھولی

ہر صبح زندگی سے ہاتھ اپنے ہیں دھوئے

بدلہ ہے وفاؤں کا جفاؤں کے سِوا کیا

انجامِ داستاں پہ مح ب اس لیے روئے

غزل

کہوں کیا دل کا افسانہ کہ ہے زخموں کی پھلواری

پُرانی راکھ ہے چھیڑو تو شائد نکلے چنگاری

ہزاروں ہیں ستم تیرے مگر میں اُف نہیں کرتا

میرا اک دل ہی لے کرکیوں طبع تیری ہوئی بھاری

غمِ جاناں غمِ دوراں بھُلانے واسطے ناصح

بہاروں کا ہوں میں رسیا محبت کا ہوں بیوفاری

گو پروانے کی صورت دل میں جلنے کی تمنا ہے

مگر اک ہی نگاہِ ناز سے لرزہ ہوا طاری

تمہاری یاد کے موتی پروئے اشک میں میں نے

یوں تنہائی میں رونے کو نہ سمجھو میری ناداری

تو اے ناداں نہ جا ظاہر کے ان چمکین سرابوں پر

کہ ان معصوم چہروں میں بھی پوشیدہ ہے عیاری

بدلتے موسموں سے ہے عبارت زندگی اپنی

کہ باری آج ہے تیری مح ب تو کل میری باری

غزل

تیرے حسین خیالوں سے میری ذات بنی

خرد جو ہوش سے نکلی تو جاکے بات بنی

تو اس طرح خود غرضی کا بھی الزام نہ دو

غمِ صنم ہوا نصیب تو حیات بنی

کچھ تکلّف نہیں مہماں کے لیے میرے پاس

راستی خندہ جبینوں پہ مدارات بنی

لہجہ تیرا ہے درشت پَر میرا کمالِ وفا

لب پہ جو آہ بھی آئی تو مناجات بنی

تیرے چہرے پہ روشنی تھی سادگی تیری

اب توچہرے پہ ہے قلبِ سیہ کی رات بنی

جان سے اب کہ گزرنے پہ ہے تیار محب

وجہ اس حادثے کی نظرِ التفات بنی

غزل

یہ جو تم تم نہ رہے ہم نہ رہے

اب کہ پہلے سے مراسم نہ رہے

جام بھی ہے جہاں نما بھی وہی

دیدہ ور زندگی میں جم نہ رہے

کارواں کس طرح منزل پہ ملے

اعتمادی کہ ہم قدم نہ رہے

غیر کیونکر یونہی مسرور نہ ہو

رابطے پیار کے باہم نہ رہے

میں نہیں جانتا کیسا رہے یہ

عشق بھی ہو اور ستم نہ رہے

اب کہ لب پر مرے فریاد نہیں

تیری مژگان کے وہ خم نہ رہے

بات کیونکر ہی پُر اثر ہو محب

جبکہ جذبوں میں طلاطم نہ رہے

غزل

ماضی کو تیرے ایک نظر دیکھ رہا ہوں

مایوسیاں ہر سمت مگر دیکھ رہا ہوں

کیا ہو گئے وعدے تیرے احسان و وفا کے

پُر شکوہ نگاہوں میں زہر دیکھ رہا ہوں

منزل پہ تو اس حال میں محال ہے جانا

رہزن کو جو شریکِ سفر دیکھ رہا ہوں

اُڑتے ہو سرِآب فقط بلبلہ بن کر

خود آپ تہہِ آب گُہر دیکھ رہا ہوں

کوہکن کی طرح جذبۂ دل جاگ اٹھا پھر

شعلوں میں جو بکھرے ہوئے پَر دیکھ رہاہوں

رو رو کے گئی بیت ہے جو اک شبِ ہجراں

گلشن میں ہر اک چشم کو تر دیکھ رہا ہوں

نظروں کا تو میں ہی نہیں شکار مح ب ہوں

پھول و شفق و مے میں اثر دیکھ رہا ہوں

غزل

کیا کہوں بات اس زمانے کی

دل میں سکت نہیں بتانے کی

جو نشاں تھے کہ عشق کے باقی

سعی کرتا ہے وہ مٹانے کی

ایسے بہرے زباں درازوں کو

کیا ضرورت ہے اس فسانے کی

پارہ پارہ جو دل کو کر ڈالا

یہ سزا دل میں ہے بسانے کی

نام پہلا ستم زدوں میں ہے

کر نہ کوشش یوں آزمانے کی

میں جو الفت پہ ناز کرتا تھا

کیا بھی جرأت ہے مُنہ دکھانے کی

کر محب بحرِ بیکراں میں بھی

سمت ساحل تلاش پانے کی

غزل

غمِ ہجراں کو بِتانے کے لیے زندہ ہوں

تیری محفل کو سجانے کے لیے زندہ ہوں

محشرستاں میں گزرتے ہیں شب و روز مرے

کیا خبر کیسے زمانے کے لیے ز ندہ ہوں

تیرے اطوار پہ سو بار مرا ہوں لیکن

دل نادا ں کو لبھانے کے لیے زندہ ہوں

ہر طرف امن و محبت کے ترانے گونجے

اسی ارمان کو پانے کے لیے زند ہ ہوں

صدیاں بعد بھی تاریخ کی کتابوں میں

قصۂ درد سنانے کے لیے زندہ ہوں

میں مح ب حق کا اجالہ ضمیر کی آواز

ابھی باطل کو مٹانے کے لیے زندہ ہوں

غزل

جو ایک شخص اُتر گیا دل میں

نقش انمٹ وہ کر گیا دل میں

وہ تھا للکار تا رقیبوں کو

ہو کے تنہا تو ڈر گیا دل میں

ظاہری شان بھلا کیا معنی

بے حسی سے جو مر گیا دل میں

بن گئی زندگی سمجھ ، اس کی

جو بھی انساں سدھر گیا دل میں

عشق نے اچھی نہ صورت چھوڑی

پر مح ب بَن سنور گیا دل میں

حمدِذوالجلال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کھُلتے ہی آنکھ ایسی تماشائی ہو گئی

رنگین اک جہاں سے شناسائی ہو گئی

دیکھا جو اک عجیب کائنات کا منظر

جاری ہے صبح و شام، شب و روز کا سفر

شمس و قمر کی روشنی تاروں کی رونقیں

چاروں طرف حسین نظاروں کی رونقیں

پھول و چمن و سبزہ و اشجار جو دیکھے

اک سلسلۂ جنگل و کوہسار جو دیکھے

بے جان و جاندار بے شمار بھی دیکھے

ان گنت اس حیات کے آثار بھی دیکھے

ہر سمت میں اک ربط و انتظام بھی دیکھا

ایک حُسن کی ترتیب اس میں عام بھی دیکھا

اس وحدت و کثرت میں عیاں ایک بات ہے

اکبرکی ذات ہ

ہّ سمجھو یہی تو اللّ ے

یا رب مح ب کے فکرِ چمن کو بہار دے

اس روحِ مضطرب کو کہیں سے قرار دے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعادت حسینؓ کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس شان سے روشن ہے شہادت حسینؓ کی

ہر سمت میں پھیلی ہے سعادت حسینؓ کی

نازاں ہیں محمدؐ کی امامت پہ انبیاؑ ء

امّت کو مبارک ہو امامت حسینؓ کی

نازو نعم میں پل کے بھی جرأت علیؓ کی تھی

قرآں سے زندگی تھی عبارت حسینؓ کی

پھر دشتِ کربلا ہے اور لشکرِ شمر

اک بار پھر پڑی ہے ضرورت حسینؓ کی

کٹوا گئے سادات کے سر حق کی راہ میں

باطل کو نہ جھکنے کی تھی عادت حسینؓ کی

باطل کی نشانی رہی نفرت یزید سے

پر راہِ عشقِ حق ہے علامت حسینؓ کی

اسلام کا علم رہے بلند کس طرح

جب تک نہ رہنما ہو قیادت حسینؓ کی

کیا غم یزیدِ وقت کے ظلم و ستم کا ہو

غیرت جسے ملی ہو وراثت حسینؓ کی

فکرِ زمانہ کیا جو غلامِ حسینؓ ہوں

جب مل چکی مح ب کو محبت حسینؓ کی

۔۔۔۔۔۔۔۔۔۔۔۔۔۔۔۔۔۔۔۔۔۔

قطعات

پسند و ناپسندِ رنگ کیا ہے یہاں ہر رنگ سے گلشن سجا ہے

یہ اپنا گھر ہے خیبر تا کراچی کہ بنیادوں میں خون اپنا بہا ہے

۔۔۔۔۔۔۔۔۔۔۔۔۔۔۔۔

ہیں تو ہر سمت سے طوفان بلا خیز مگر

پیڑ سخت جان مگر ہم ہیں اگائے بیٹھے

یوں تو با دل نظر آتے ہیں یاں مایوسی کے

آس ابرِ بہار ہم ہیں لگائے بیٹھے

۔۔۔۔۔۔۔۔۔۔۔۔۔۔۔۔

بھرے بازارِ نفرت میں بھی الفت کا ہوں خواہشمند

کہ جیسے دشت میں بارانِ رحمت کا ہوں خواہشمند

جو خوابِ امن کی تعبیر کو میں ڈھونڈنے نکلا

یہ کیا سادہ ہوں کہ دنیا میں جنت کا ہوں خواہشمند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دامنِ کُہسارمیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زندگی ہے خوبصورت دامنِ کہسار میں

دیکھ منظر ہائے قدرت دامنِ کہسار میں

چوٹیوں پر تاج سونے چاندی کے سج گئے

آبِ میداں ہے امانت دامنِ کہسار میں

پھوٹے یاں چشمے ہیں پانی صاف اور شفاف کے

زندگی ہر سُو بہ حرکت دامنِ کہسار میں

ہر طرف پھولوں کی چادر بچھ گئی رنگین ہے

جشنِ بہاراں کی صحبت دامنِ کہسار میں

ہر ضرورت زندگی کی معدن و نبات میں

ہر قِسم نعمت و دولت دامنِ کہسارمیں

حسن کی شادابیاں ہیں پُر فضا ماحول میں

پُر سکوں آغوشِ شفقت دامنِ کہسار میں

خود اعتمادی سے پُر ہیں اپنی مدد آپ کے

پیکرِ ہمت و محنت دامنِ کہسار میں

دل میں رہتی ہے یہ منظر گر مح ب اک بار دیکھ

عمر بھر رہنے کی حسرت دامنِ کہسار میں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترقی پسند اور لبرل مسلمان

( ۳۳۲ ءٔ تحریکِ اصلاحِ معاشرہ پاکستان کی جانب سے مقابلہ نظم میں خصوصی انعام یافتہ ) ۔۔۔۔۔۔۔۔۔۔۔۔۔۔۔۔۔۔۔۔

جب کر لیا ہے لب پہ لا ا ہ لہ کا اقرار

تا عمر اسی کلمے تلے زندگی گزار

کر دینِ مبیں کو یوں تصنع سے نہ بے کار

فطرت کے حسن کو نہیں ہے حاجتِ سنگار

تم بن گئے جو اپنی خواہشات کا غلام

تابع بنا رہے ہو اپنے نفس کا اسلام

یوں خاص پر اک پردہ کیوں چڑھا رہے ہو عام

کرکے تن آسانی کے لیے دین لچکدار

بھٹکے ہوئے اس راہ پر سدا رہے ہو کیوں

پانچے میں اک، دو پیر سے لنگڑا رہے ہو کیوں

گیدڑکی قبا شیر کو پہنا رہے ہو کیوں

معراج کی تلاش میں زوال سے دوچار

اسلامی ضوابط نہیں ہیں عقل کے پابند

’’ میں بندۂ مومن ہوں نہیں دانۂ اسپند ‘‘ یوں حق سے روگرداں نہیں ہوتے ہیں عقلمند

بنیاد تو ہلتی نہیں جب بن گئی دیوار

اسلام مکمل ہے اک ضابطۂ حیات

ہر شعبہ ہائے زندگی کی حل ہیں مشکلات

ہے فتنہ ہائے دہر سے ذریعۂ نجات

حقوق مردو زن کو میسر ہیں بے شمار

حقوقِ خواتین کی کرتے ہو حمایت

آزادئ نسواں کی آڑ میں گئی عفت

اسلام نہیں ، ہے یہ سراسر منافقت

بے پردگی میں پھِر رہی ہیں شترِ بے مہار

تہذیب تو مغرب کا پسند آتا ہے اکثر

اسلام کے نظامِ آزادی ہو برابر

آدھے بنے بٹیر تو آدھے بنے تیتر

گفتار ہے مسلم کا تو کافر کا ہے کردار

گر چاہتے ہو تم اسی اسلام میں جدّ ت

یہ اختلافِ دین ہے کہلاتا ہے بدعت

کہ آگ میں پانی میں بھی آتی نہیں وحدت

جو نیک و بد کے خلط سے آتا ہے انتشار

اس ظاہری رونق سے سکوں کیسے ہو حاصل

محروم جواہر سے سمندر کا ہے ساحل

مسلم ہے تو شامل رہو اسلام میں کامل

مح ب رہو محبوب کا ہر لحظہ تابعدار

۔۔۔۔۔۔۔۔۔۔۔۔۔۔۔۔۔۔

قابلِ رحم قوم

(خلیل جبران کی نظم pretty the nationکا ترجمہ جس میں پاکستانی قوم کی تصویر نظرآتی ہے ) ۔۔۔۔۔۔۔۔۔۔۔۔۔۔۔۔۔۔۔۔۔۔

سن لو اے میرے ہم سفرو میرے عزیزو

پس رحم کی قابل تو وہی قوم رہے جو

ظاہر کا اعتقاد تو رکھتی ہو بلند تر

مذہب جن کے اندر سے رہے کھوکھلے مگر

وہ قوم جو پوشاک پہنتی ہو فخر سے

لیکن نہ بنی انکی کھڈی پر ہو ہنر سے

اناج وہ اپنے کبھی خرمن کا نہ کھائے

مشروب پیے وہ جو اس کے باغ نہ لائے

وہ قوم کہ جابر کو بھی ہے مانتی ہیرو

خوش پوش بادشاہ مہربان سمجھے جو

ظالم کو جو کرتی ہے زیر محض خواب میں

بیداری میں سر خم رہے اس کے آداب میں

ہو رنج تو بلند نہ کردے کوئی صدا

گنگ ہوں زبان جن کی نہ ہو حرف بھی ادا

جو فخر محض آباؤ اجداد پر کرے

انکے جو کھنڈرات شاندار ہیں کھڑے

جو ظلم کے خلاف نہ آواز اٹھائے

تلوار سے تختے پہ جو گردن کو کٹائے

جس قوم کا کرلے سیاستدان مکاری

وہ قوم کہ ہو فلسفی بھی جس کا مداری

ہے رحم کی قابل بھی وہی قوم سوالی

ہو جس کی ثقافت میں پھکڑپن و نقالی

آجائے جو حاکم تو وہ شادیانے بجائے

جب جائے تو اس کو ہی رسوا کرکے بھگائے

وہ جس کے سالہا سال سے بہرے ہوں دانشور

تہواروں میں الجھے ہوئے جس کے ہوں طاقتور

ٹکڑوں میں بٹی قوم بھی ہے رحم کی قابل

ہرٹکڑہ خود کو قوم تصور کرے کامِل ۔۔۔۔۔۔۔۔۔۔۔۔۔۔۔۔

پاک وطن کے شہیدوں کے نام ۔۔۔۔۔۔۔۔۔۔۔۔۔۔۔۔۔۔۔۔۔۔

مرے وطن کے شہیدوں کی مرتبت کو سلام

وہ ارضِ پاک سے رکھی ہوئی الفت کو سلام

وہ جن کے عزم سے دشمن کا کند تھا ہر وار

جنہوں نے اپنے تنوں سے ہی بنا دی دیوار

وہ حوصلوں سے بھرے جذبِ شہادت کو سلام

تھی جن کو دھرتی کی خاطر حقیر اپنی جان

وہ جن کے ہوتے تھے ناقابلِ تسخیر ایمان

انہی عظیم ارادوں کو شجاعت کو سلام

لگائی جنہوں نے دشمن پہ ضرب کاری بھی

کی اپنے خون سے گلشن کی آبیاری بھی

شہیدِ ملت و وطن کی عظیمت کو سلام

عدوکو جتنا گھمنڈ تھا وہ بت کو توڑ دیا

بڑھے ہوئے اسی سیلاب کا رخ موڑ دیا

خدا کے شیروں کی مانی ہوئی قوت کو سلام

وہ جاں نثار اپنے دیس کے فرزند ہوئے

جہاں میں سر ہمارے فخرسے بلند ہوئے

مح ب غیور جیالوں کی حمیّت کو سلام

مرے وطن کے شہیدوں کی مرتبت کو سلام

وہ ارضِ پاک سے رکھی ہوئی الفت کو سلام

۔۔۔۔۔۔۔۔۔۔۔۔۔۔۔۔۔۔۔۔

احترام

تیرا مذہب کوئی بھی ہو مذہب اسلام ہے میرا

کہ ہر انسان کے لیے صد احترام ہے میرا

یہ رنگ و ذات کیا معنی کہ اک آدم سے ہیں پیدا

کہو ویل کم، نمستے، ہاؤ کہ سلام ہے میرا

زمیں تیری ہے میری ہے ہمارا آسماں بھی ایک

تو یہ دل سب کا ہے مسکن صلائے عام ہے میرا

اگر خود کو بڑا سمجھوں اگر فرقوں میں بٹ جاؤں

نظامِ زندگی بگڑے بُرا انجام ہے میرا

سبھی جنت کے طالب ہیں سبھی کو جان ہے پیاری

اگر خود کو کہوں اعل ہ ی خیالِ خام ہے میرا

یہ دنیا مختصر سی ہے محبت سے ہی رہنا ہے

کہ نفرت نفرتوں سے ہے مجھے ،یہ کام ہے میرا

رہو صبر و تحمل سے امن ہے اس میں پوشیدہ

یہ سارے اہلِ عالم کو مح ب پیغام ہے میرا ۔۔۔۔۔۔۔۔۔۔۔۔۔۔۔۔

وقت کی گاڑی

وقت اک چلتی گاڑی ہے

اور ہم اس کی سواریاں

لمبا ہے سفر اپنا

منزل نامعلوم اپنی گاڑی ہے رواں دواں

نامعلوم پڑاؤ پہ رُک کرکچھ اتارے جاتے ہیں

نئی سواریاں چڑھ جاتی ہیں

اُترنے والے کچھ لمحوں میں

آنکھوں سے اوجھل ہوکریوں غائب ہوجاتے ہیں

اس گاڑی کا میں بھی اک مسافر ہوں

پتہ نہیں کہ کس منزل پر

میں بھی اتارا جاؤں

نظروں سے اوجھل ہوجاؤں

پھر لہُو رنگ ہوئے

’’ ۲ ،ٔ ستمبر ۲ ءٕٔٓ مہمند ایجنسی کا سیاہ ترین دن جب ایک مسجد پر نماز جمعہ کے دوران خود کُش

حملہ کیا گیا

جس میں چھتّیس افراد شہید کیے گئے ‘‘ پھر لہُو رنگ ہوئے مسجد و محراب یہاں

ایسا منظر کہ نہ رکھے بھی کوئی تاب یہاں

سنگ دل ایسے بہاروں کا بھی خوں کر بیٹھے

آہ بے وقت بریدہ ہوئے گلاب یہاں

کیا بزرگ ، کیا تھے جواں ، کیا رہی معصوم کلی

کتنے ایندھن بنے حسرت بھرے شباب یہاں

ہے ہدف کون اور کون ہے دشمن ٹھہرا

کتنے گھر اجڑے اور کتنا ہے خوناب یہاں

خونِ انساں کو بہانا ہی شریعت ہے یہاں

فتو ہ ی آتا ہے تو معتوب ہے شراب یہاں

جانے پھرکیوں محشرستاں نہیں ہوتا ہے بپا

جانے کب تک کہ مح ب یوں سہے عذاب یہاں

خواب

سنا تھا ہر خزاں کے بعد بہا ر آتی ہے

سنا تھا ہر غمی کے بعد خوشی ہوتی ہے

تپتی صحرا میں چلتے چلتے چھاؤں ملتی ہے

شب ہجراں میں جیسے بعد اشک گرنے کے

تارے بنتے ہیں نویدِ روزِ روشن بن کر

زخم کانٹوں سے ملے تب ہی پھول کھلتے ہیں

ہاں یہاں میں نے بھی دیکھا یہی سب کچھ لیکن

پھول کانٹے ، نور و ظلمت سارے

روز و شب ، دھوپ چھاؤں ساتھ مگر

بس اک سراب سا دیکھا جیسے

یا ایک خواب سا دیکھا جیسے

اک میں ہی ! بزم و بازار یہاں ، اپنے یاراں سارے

خلقِ جہاں سارا،

کیا اپنے دوست اور کیا اپنے پرائے دیکھے

صاحبِ حُسن یا بد صورت تھے

صاحبِ بخت یہاں ، صاحبِ تخت یہاں

کیا غریبوں کیا امیروں کی بات

کیا ہی جاہل کیا ہی عالم کی بات

سب ہی اپنی جگہ ڈٹے ہوئے ہیں

سب اپنی بات پر اڑے ہوئے ہیں

سارے بس ٹھیک ہی تو کہتے ہیں

سارے اچھے ہیں مگر اک میں ہی

ہاں بس اک میں ہی بُرا ہوں تنہا

اِنسان

کانٹے کبھی بنتے ہیں کبھی پھول بھی انسان

بدشکل مگر صورتِ مقبول بھی انسان

مختار ہے دنیا میں کہ محتاج بھی وہ ہے

قاتل ہے گر انسان تو مقتول بھی انسان

خود ہی کھلی کتاب ہے خود فلسفہ بھی ہے

معروف ہے انسان اور مجہول بھی انسان

انسان ہی دفناتا ہے انسان کوخود ہی

دیتا ہے امیدوں کو مگر طول بھی انسان

پل بھر کی خوشی ساتھ ہے پل بھر کو غمی ہے

شاداں نظر آتا اور ملول بھی انسان

حاکم بھی ہے محکوم بھی ظالم بھی ہے مظلوم

توڑے کہ بنائے تو ہر اصول بھی انسان

اک وقت بناتا اور اک وقت گنواتا

کارآمد ہے انسان او رفضول بھی انسان

انسان کے حقوق کو پامال ہے کرتا

بنتا ہے مسیحا کبھی معقول بھی انسان

کہنے کو یہاں سارے مسلمان ہیں لیکن

کیا خوب تھا رکھتے اگر معمول بھی انسان

انسان طلبگار تو جنت کے مح ب ہیں

جس شخص سے جنت میں ہوئی بھول بھی انسان

۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ ہے دیوانہ پن میرا

یہاں دیکھوں وہاں دیکھوں

کہاں دیکھوں جہاں دیکھوں

ہر اک منظر پہ کڑھتا ہوں

ہر ایک خبر پہ کڑھتا ہوں

یہ سب بپھرے ہوئے چہرے

ہیں جن پر غم پڑے بکھرے

ہیں سارے منتشر افکار،

بہاروں سے ہے بیزاری،

یہ سارے ذہن ہیں عاری

کوئی فن ہے نہ فنکاری

نہ رنگ و گل سے ہے یاری

سب اپنے پیٹ کے غم میں

بنے حیوان ہیں جیسے

کبھی بن کر درندے خون کے پیاسے اس علم و سائنس کی دنیا میں بھی

مہذب ہیں نہ ہمدرد ہیں

کہ حاوی بے اصولی ہے

یہ کیا بے ڈھنگ جیون ہے

کہ خود غرضی میں سبقت لیں

نہ کوئی حق ہے انسانی

نہ کوئی جذبِ روحانی

تو ایسے میں مَیں حیراں ہوں

یہ کیوں میں کڑھتا رہتا ہوں

کہ دیوا نہ بہ دیہہ خندد

و دیہہ خندد بہ دیوانہ

یہ ہے دیوانہ پن میر ا

یہ ہے دیوانہ پن میرا

کمائی

شام کو شوہر گھر آیا

ڈھیروں چیزیں ساتھ لایا

ساتھ ہی اپنی بیوی کو کچھ نوٹ تھمائے

تھکا ہارا چارپائی پرخاموشی سے لیٹ گیا

آگے بڑھ کر بیوی ساری چیزیں لیکر بولی

میرے خیال میں آج تمھارا کام بہت تھا

اس لیے تو تھکا ہار ا دیر سے آئے

ٹھہرو جی میں چائے بنا کر لاتی ہوں

شوہربولا رہنے دو بس جی نہیں کرتا

بیوی بولی خیر توہے کچھ بولونا

لگتا ہے آج خوب کما کر لائے ہو

گوشت بھی لایا،سبزی لائی

پھل بھی ساتھ میں لائے ہو

اتنے دن کے بعدجوگوشت اورپھل لائے

شادیوں کا موسم ہے نا

میز،کرسی، الماری ،بیڈ بنائے ہونگے

شوہر یوں خاموش رہا

بیوی بولی ایسا نہیں تو

اتنے پیسے کہاں سے آئے

شوہربولامحنت کی حلال کمائی لایا ہوں

لیکن یہ کچھ فرنیچر کا کام نہیں تھا

خوشیوں کا پیغام نہیں تھا

لیکن غم اس بات کا ہے کہ

آج ہم نے چالس تک تابوت بنائے

لاشوں کے انبار پڑے تھے

جلی کٹی بوسیدہ لاشیں،

کچھ تھیں سربریدہ لاشیں

ایسی کمائی کا کیا کریں گے

جب اتنی انسانی جانیں ضائع ہوں

سنّاٹے کا شور

پھر جاڑے کا موسم اور اندھیری رات ہے

سنّاٹے کے شور میں شاداں

یادوں کی بارات ہے

غم سارے سرہانے رکھ کر

خوابِ خرگوش کے مزے لیکر

خلقِ خدا سب خوابیدہ ہے

ایسے میں مَیں جاگ رہا ہوں

تنہائی کے نرغے میں مَیں آچکاہوں

تاریکی کے اک جنگل میں گِھرچکا ہوں

یادوں کا اور سوچوں کا طوفان ہے

میراوجودہی جنگ کا اک میدان ہے

دل اور ذہن لڑ رہے ہیں آپس میں

میں کھڑا اپنے احساس کے بام پر

اس جھگڑے کا میں تماشہ کرتاہوں

ایسے میں سنّاٹے کا اک شور ہے

اوریادوں کا زور ہے

اپنے وجود کے اندر پھیلی اس جنگ میں

جل رہی ہے ارمانوں کی فصلِ بہار

میں بے بس ہوں کچھ نہیں کر سکتا پر

سنّاٹے کا شور بپا ہے

دُ عا

یا رب تیری بارگاہ میں مَیں دست بہ دعا ہوں

دو لفظ فقط عرض مَیں کرتا ہوں کھڑا ہوں

اک لفظ میں پنہاں ہیں امیدوں کے سہارے

خوشیاں ہیں روشنی ہے اور چاندستارے

راحت ہے محبت ہے صداقت ہے اسی میں

پھولوں کی بہاروں کی بھی نکہت ہے اسی میں

سُرگیت ہیں سنگیت اور ساز نرالے

اجلے ہوئے پھیلے ہوئے رنگین اجالے

اس لفظ میں ہیں سارے دفینے حیات کے

اس لفظ میں انساں کے قرینے حیات کے

اک اور لفظ اس کے مقابل ہے جہاں میں

وہ بھی تو بہت غور کا قابل ہے جہاں میں

اس لفظ میں دکھ درد ہیں مایوسیاں بھی ہیں

غم کو لیے نفرت بھری بے چینیاں بھی ہیں

بے حرمتی انسان کی ، خونی ہیں نظارے

چیخ و پکار و آہ سے بھرپور ہیں سارے

بارود کی بدبو سے بھرا پھیلتا دھواں

ہے زخم زخم آگ میں جلتا ہوا انساں

اک لفظ جو ہے ’’امن‘‘ وہ جنت کا امیں ہے

اک لفظ جو ہے ’’جنگ‘‘ جہنم کا مکیں ہے

اک لفظ کی برکت سے ہمیں نورِ جہاں دے

اک لفظ سے یارب تُو ہمیں حفظ و اماں دے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔