غزل

(عرفان سرحدي)          

يو   څو   ښکلي     کليمات    راټولومه . 

ستا  ښائيست  له    تشبيهات   راټولومه .

محبت   مې   شو   له   تا   سره  جانانه .
ستا      په    حقله   معلومات  راټولومه .

د    مچۍ    غوندې    ګلونو  پسې ګرځم .
خپل    ګبين    د    پاره  شات  راټولومه .

د     محمود   غوندې ايمان غواړمه ربه .
چې    ټکړې    د   سومنات    راټولومه .

د   ژوندون    په  اسانتياٶ  پسې   ګرځم .
د      هر   کوره   مشکلات     راټولومه .

ته    چې   وايې پښتا نه سره را يو کړه .
زه    به    څه   رنګې   تورات راټولومه .

ويل     ناچار   يم  هم دلسو لوڼو پلار يم .
زه   به   خود  سقات  او زکات راټولومه .

سرحدي چې ستا په عشق کښې غزل ليکم .
زه  به   کوم   ځائ  نه   لغات   راټولومه .