زما ملا د رڼاګانو د ډېؤو منادي

زما ملا                              

!!سيد صابرشاه صابر                     

زما     ملا    زما    د     دين      د     مدرسې      محافظ
او ستا ساقي ستا  د    نشې     ,     د    ميکدې     محافظ

زما   ملا    دے    د     مهراب     او     مصلې     محافظ
او  ستا   ساقي    دے     د    بربنډې    محبوبې    محافظ

زما    ملا    دے    د     جماعت    او    د  صحفې محافظ
او ستا  ساقي  دے   مېخانه    کښې    د    چکلې    محاظ
زما    ملا    زما    د    " پاک نيکۀ ص"  د دين امين دے
او ستا ساقي د    بغض    ,    حسد    او    کينې    محافظ

زما    ملا    د     رڼاګانو      د        ډېؤو        منادي ,,,
او    ستا    ساقي   په   شپو   مئين   دے  د  تېرې محافظ

زما     ملا    زما    د    " ښې بدې"   ښائيست   د   کلي
او ستا   ساقي د " سخا ټرې" په خم کښې ورک سړے دے
زما    ملا    زما    " جرګې"    او    " جنازې"     درنوي
 او ستا ساقي د يو محدوده  ماحول    سپک    سړے   دے 

زما    ملا     زما     بچي     کړل     حافظان     د    قران
او ستا ساقي خو ستا    نه    شتۀ     کليمه    هېره    کړله
تۀ    خپل    ساقي     زۀ     خپل   ملا ستايمه ګورو به چې
چا    د     رڼا    د    مينې    بر    او    برخه   ډېره  کړله

زما    شاعره   ,   روښان فکره "  تۀ  تېرو کښې ډوب يې
رو  رو   خوېږې  , نۀ پوهېږې , چونګ اوبو کښې ډوب يې