اب تو سبھی حسین نظاروں میں آگ ہے

غزل
غلام حسین محبؔ 
دیکھی  تیری  نظر  کے  شراروں  میں  آگ    ہے
اب    تو   سبھی   حسین   نظاروں   میں  آگ   ہے

تم   ساتھ  ہو تو دیکھوں خزاں میں بھی پھول پھول
تم   ساتھ   نہیں   ہو   تو   بہاروں   میں   آگ   ہے
لیکر مجھے وہاں  پہ   کہ   دل   کو   سکوں   ملے
میں   ڈوبتا    ہوں   اور   کناروں   میں    آگ   ہے
زندوں کے لیے کردو  چراغاں   کہ    کچھ    ملے
ایسا   چراغ   کیا   کہ    مزاروں   میں    آگ   ہے
اُن کے  لیے    تو    چمکے    ستارہ    نصیب   کا
ہم    کو    تو    شبِ   ہجر  کے تاروں میں آگ ہے

اس   بزمِ   دوستاں   میں   محبؔ    جائیں کس طرح
رکھی    منافقت    کے    اشاروں   میں   آگ    ہے