د خاغلی امجد شہزاد تازه غزل

                 غزل  
                         

        
ځکه   دَ   تورو   شپو   بندي   يم    سحر   نۀ    لرمه
کوټه کښې شته خو چې په ذهن کښې    ور   نۀ    لرمه
/
ما ته    قيصې  دَ  عرب  يادې   دَ   زرګونو         کالو
خو په  مېوند    کښې    دَ    ملالې    خبر    نۀ    لرمه
/
په    خپلو   پښو  کښې او په لاسو کښې زنځير نۀ وينم
سترګې    مې    شته   خدائے   خبر   ولې نظر نۀ لرمه
/
دَ زړۀ په کور   کښې دَ   شعور   شمع   روښانه   ساتم
افتاب   په   لاس   کښې   په    تندي   مې قمر نۀ لرمه
/
زۀ دَ  خپل   فکر    دَ   ايقان   په   سر   ډاډه    ګرځمه
زۀ   دَ   شېخانو   لۀ   خنجره    خطر    نۀ         لرمه
/
مکتب   مې  وران    دے    کتابونه   سوزېدلي    پراتۀ
يعني   چې    زۀ    دَ   خيال   الوت   له    وزر نۀ لرمه
/
دَ     ښکلو     ډلې     درپسې     امجؔده    ګرځي   ولې
نو    تا    خو    وے    دَ    عاشقۍ    څۀ  هنر نۀ لرمه