د باقر غزل

                                                                                                                               غزل
                                                                                                                             ،،باقر،،   
                                                                                                                  په شکريه د مهوش جليل

   ځواب    راسره   نشته   او   سوالونه    کوي    خلک
زه    ويښ   يم   زما   سترګو  کې خوبونه کوي خلک

راځئ!   چې   په    تنديو     نوشته    کړو       کليمه
په    مونږه   د    کافرو     ګومانونه   کوي     خلک

د   خداى    نه    جنتونه    په   شهيدو سجدو غواړي

 زموږ    په   وينو ، اوښكو    اودسونه    کوي    خلك

کچه   کچه    کورونه    هم   کنډر  کنډر  کنډر    کړي

د دې     خښتو    نه    ځان    ته    محلونه کوي خلك

خبر   ندي    غوږونه    مې    بند    کړي دي په ګوتو

 باقره!    ماته     ولې      اوازونه     کوي    خلك ؟؟