زما "دخمارونو په لار" ياره مبارک شه
د وقار خان په کتاب باندې دغه منظوم تاثر تېره ورځ اتوار ۱۳ مۍ ۲۰۱۸ باندې د هغه د کتاب "د خمارونو په لار" د مخ کتنې په دستوره کښې واؤرول شو ـ ـ ـ ـ
بيا بيا مې د خمارونو د لار يا ر ته په "دخمارونو په لار" کتاب باندې مبارکي ويم
(اشنا باجوړے)
(اشنا باجوړے)
د خمارونو په لار
د جذب د کېفيت د زړۀ راښکون دي ستا خبرې
د مينې د مستۍ او د جنون دي ستا خبرې
چې سپينې دي نو خامخا ترخې به وي زړګيه
خو دا حقيقت دے چې د سمون دي ستا خبرې
د جذب د کېفيت د زړۀ راښکون دي ستا خبرې
د مينې د مستۍ او د جنون دي ستا خبرې
چې سپينې دي نو خامخا ترخې به وي زړګيه
خو دا حقيقت دے چې د سمون دي ستا خبرې
د پت دي د ښېګړې دي د تورې او وفا دي
منم دې د پښتو او د پښتون دي ستا خبرې
اے دا لکه چې ساه وي ستا د قام په مړۀ وجود کښې
د ځوښت او د خوځښت او د ژوندون دي ستا خبرې
اے دا لکه شب خون وي د تورتم په لښکرونو
اے مړه ترانې د سباؤن دي ستا خبرې
چې چرته په مستۍ کښې له حدونو ځنې تېر شې
نو بيا خو د "غني" او " مفتون" دي ستا خبرې
رموز دي کنائې دي اشارې دي تغزل دے
بيخې لکه منتر لکه افسون دي ستا خبرې
په "فقر" کښې "غناء" لکه "رحمان" لکه "اقبال"
عدم کښې د هستۍ او زيږون دي ستا خبرې
د ژوند بلها رازونه سربسته پکښې خوندي دي
وقاره فلسفې د افلاطون دي ستا خبرې
د فکر بلندي چې دې تر عرشه پورې رسي
د دغسې الوت داسې پاڅون دي ستاخبرې
لفظونه ئې سيپۍ دي او معنې ئې ګوهرونه
د ماتو ماتو زړونو پېوستون دي ستا خبرې
ستا ستوري ستوري توري ئې د لارې مشالونه
الغرض! د منزل په لور د يون دي ستا خبرې
هم دا چې ستا د مينې مرکزي نکته انسان دے
دا ځکه خو د مينې د مضمون دي ستا خبرې
کتاب دې زما وياړ زما وقاره مبارک شه
زما "دخمارونو په لار" ياره مبارک شه
اشناباجوړے
۲۲اپريل۲۰۱۸
۲۲اپريل۲۰۱۸
No comments