خط دکھاؤں گا خدا کو میں تمہارے لکھے

                                                                                                                                         (محمد زکریا ) )
                                                                                                               (به شکريه زاهدآفريدي)

زیر نظر تصویر اٹک کےاردو، پنجابی اور سرائیکی کے معروف شاعر خالد بیزار کی ہے۔ جہنوں نے انتہائی غریب والدین اور کرائے کے مکان میں آنکھ کھولی۔ خالد نے اپنی نوجوانی میں اٹک کے ادبی حلقوں میں اپنے اعلی پائے کے شعر اور غزلیں کہ کرمقام پیدا کیا اور ان کا کلام کئی ملکی و غیر ملکی گلوکارورں نے گا کر خوب شہرت کمائی۔ اکثر مشاعرے خالد بیزار کے غریب خانے پر منعقد ہوتے تھے جہاں وہ اپنی استطاعت کے مطابق شعرا کی خاطر تواضع بھی کرتے تھے۔
خالد بیزار ایک انتہائی حساس طبیعت شاعر تھے اور مفلوک الحالی ان کے شعروں میں اکژر دیکھائی دیتی ہے۔ پھر نہ جانے ایک دن خالد بیزار کو نظر بد لگ گئی کہ ایک کیل لگنے سے پاوں کا زخم اتنا بڑھ گیا کہ ڈاکڑوں کو انکی ایک ٹانگ کاٹنی پڑھ گئی۔ زمانے کی ستم ظریفیوں کے ہاتھوں اور غربت کی وجہ سے بروقت علاج نہ ہونے کی بنا پر خالد نے اپنا ذہنی توازن کھو دیا اسی دوران کچھ نقیب شاعروں نے انکی والدہ سے انکا کلام بوریاں بھر کرچھپوانے کی خاطر لے گئے اور آج تک واپس نہ آئے بلکہ اس چوری شدہ کلام کو اپنے نامون سے منسوب کر کے خوب شہرت کما رہیے ہیں۔
خالد بیزار کو شاید یہ گلہ بھی ہے کہ اسکے ساتھی شعرا نے مشکل کی اس گھڑی میں یہ صرف اسے اکیلا چھوڑ دیا ہے بلکہ اسکی کبھی مزاج پر سی کو بھی نہیں آتے۔ میں نے سوچا کہ اٹک کے اس خوبصورت شاعر کو ہمارا گروپ سے متعارف کرواؤں خالد بیزار ہماری معاشرتی بے حسی کی زندہ تصویر ہے
خالد بیزار کے چند اشعار جو مجھ تک پہنچ سکے
(محمد زکریا)

یوں  کھیل  پیار کی  بازی  کہ  جیت  تیری  ہو
اگر تو  ہار  بھی  جائے  تو  مات  رقص  کرے
بجے  کلائی  میں  چوڑی  تو  کھِل اٹھیں منظر
اٹھے   سنوارنے  آنچل  تو  ہاتھ  رقص  کرے
ہے    تیرے   طرزِ   تکلم   کی   معترف   دنیا
ترے لبوں سے جو نکلے وہ بات رقص  کرے
............

میکدے   پاتے  ہیں   ترتیب   ادا   سے  تیری
دوستی چاند  سے، صہبا سے، صبا سے تیری
تابِ نظارہ  نہیں اب بھی مجھے اے پردہ نشیں
حسن  چھن  چھن کے نکلتا ہے ردا سے تیری
جو   بھی  رکھتے  ہو  دیا بام پہ جل بجھتا ہے
دشمنی   کچھ   تو  ہے  بیزار  ہوا  سے  تیری
..............

باغ   ویراں   نہ   کر   تو   رہنے   دے
میرے حصے  کے  پھول   شاخوں   پر
..............

کج ادائی سے تری مجھکو گلے تھے جتنے
میں نے مضمونِ تمنا میں وہ سارے لکھے
تو  کہ  منکر  ہی  سہی  پیار  کا روزِ محشر
خط دکھاؤں گا خدا کو میں  تمہارے   لکھے
آج     بھی   چاند  اکیلا   انہیں   گاتا   ہوگا
گیت   ہم   تم نے جو ندیا کے کنارے لکھے
..............
عشق دونوں نے کیا دونوں  رہے  جان  بلب
دردِ دل کی نہ ہوئی  کوئی  دوا  دونوں   سے
ہنس دیئے روتے ہوئے دونو بچھڑتے لمحے
جانے کیا درد نے   کانوں میں کہا دونو سے
......