عالمی یوم مشاعرہ

(احمد علی برقیؔ اعظمی)

ہو   مبارک   شاعری   کا   عالمی    دن  آپ   کو
اہلِ  دل   میں  کرتی  ہے   پیدا  جو ذہنی انقلاب

.

شاعری  کو  کہتے  تھے  پہلے  ’’ حدیثِ دلبری ‘‘
آج      یہ  کرتی  ہے   اسرار  ازل   کو  بے   نقاب

.

ترجمانِ   کوچہ    و    بازار    ہے     اب    شاعری
کرتی ہے اردو غزل  فکر   و   نظر   کا   احتساب

.

شخصیت عہد آفریں تھے غالبؔ و اقباؔل و جوشؔ
آج بھی قایم ہے جن کے فکر و فن کی آب و تاب

.

آبرو    اردو    ادب    کی   ہیں  یہ  برقیؔ  اعظمی
میرؔ  و  حسرتؔ  اور  جگرؔ کا   ہے    تغزل   لاجواب