چرته پۀ دوه دریو طوافونو مي الحاج نـــــۀ کي ،

                             غزل
                       دلاور منصور
مات  چرته  د  ښکلــــــو  د  صدو  صدو  رواج  نۀ  کي.

څو  خفه  پرهر  مي  جوړ  د  سترګو  پۀ  علاج  نۀ  کي .

لوئي  نه  هم  لویه  ښیره!  واوړي  پۀ  جانان   واوړي .
غټي نه  هم  غټه   دعا!   چا ته  مي  محتاج  نــــۀ   کي .

لا  به  ستا  د   در  کاڼي  ښکلوم  لا  به  شیطان     ولم.
چرته پۀ  دوه  دریو   طوافونو  مي   الحاج   نـــــۀ   کي .

تا   د   پښتنو   مینه   لیدلي   خو   کینه   نـــــــــــــۀ ده.
دا سرکشه خاوره به  پۀ   توپو  موپو   باج   نــــۀ   کي .

هر   ستم   د   بل   نه   سیوا  ،  هر  پرون  د نن نه ښۀ.
دغه ادا  ځانله   خوند   لری   بدل   مزاج   نــــــــۀ   کي .

ځني   هوښیارئۍ    نه   دلاوره   کم    عقلی   ښه   وی..
چرته  د  طلي   پګړۍ   بدله   پۀ   تخت    تاج   نۀ   کي .

نوم   نه   مي   شرمیږم  ،   دلاور  هم  یم منصور هم یم.
ما ګټلے زړۀ  راله   پۀ   بیــــعه   د   خراج   نــــــۀ   کي .