رڼا مې قافيه ده او سحر زما رديف دے

!!!!غزل                         
سيد صابرشاه صابر                     

زما  د   ژوند  حصه   ده   کنه  ,  نمر  زما  رديف دے
رڼا مې قافيه     ده     او    سحر    زما   رديف    دے

زما   د    ژوند    په   سيورو  يې خوارۀ دي عظمتونه
زما    د   فکر   حسن   دے   " خېبر"  زما رديف دے

سپوږمۍ !    په    تا   غزل   ليکمه  تۀ مې کافيه شوې
او    ستا    د    خاورو   خټو   بام و در زما رديف دے

د    امن    د     کونترو    سېل    زما  کور نه خفه دے
د   جنګ  د غېږ سړے يې کړمه " شر " زما رديف دے

ائے   راشه   چې   درپورې    کړم  د ټول غزل رنګونه
ائے راشه نن خو " شتۀ " يم  حسن ور  زما رديف دے

زما   نه   بيليدے   نۀ   شي   زما    سره    ټوپک  دے
او    ماته    توريالے    وائي    ,  سنګر زما رديف دے

صابره    تجارت    کوم    د    مينې   ,     په   سفر ځم
دړدودنه    مې    ملګري    دي   ,  پرهر زما رديف دے