پھرلہُورنگ ہوئے مسجدومحراب یہاں

 (افغانستان میں ایک مدرسہ پر ہونے والی بمباری کے نتیجے میں درجنوں معصوم حفاظ بچے شہید کیے گئے) ‘ 
(غلام حسین محب)
پھر   لہُو     رنگ   ہوئے  مسجد  و محراب یہاں                             
ایسا  منظر    کہ  نہ  رکھے  بھی  کوئی تاب یہاں

سنگ   دل   یسے بہاروں کا بھی خوں کر بیٹھے
آہ     بے   وقت    بریدہ     ہوئے    گلاب    یہاں
کیا بزرگ ، کیا تھے جواں ، کیا رہی معصوم کلی
کتنے   ایندھن بنے حسرت  بھرے جوخواب یہاں
ہے   ہدف   کون   اور   کون   ہے  دشمن  ٹھہرا
کتنے   گھر   اجڑے   اور    کتنا ہے خوناب یہاں
خونِ     انساں   کو   بہانا   ہی   شریعت ہے یہاں
فتویٰ   آتا   ہے   تو   معتوب   ہے   شراب  یہاں

جانے پھرکیوں محشرستاں نہیں   ہوتا   ہے   بپا
جانے کب تک کہ  محبؔ   یوں   سہے عذاب یہاں