پښتون به هم باقې وې
زما د 1967 يو زوړ نظم ټولو پښتنو ته ډالۍ
"""""پښتو""""""
"""""پښتو""""""
هغه ورځ خوب يوړم
که چا په ويخه اووې
يو صلاح کار راته
يوه صلاح راکړه
يوه صلاح راکړه
زه څه خاموشه شومه
لږ شان بى هوشه شومه
لږ شان بى هوشه شومه
ما وې مهلت راکړه
ځمه بابا ته وايم
ځمه بابا ته وايم
زه د خوشحال مزار ته
يو پرکالــــۍ يـــوړم
يو پرکالــــۍ يـــوړم
توره په څنګ بابا مې
قلم په لاس نيولې وٶ
قلم په لاس نيولې وٶ
بچيه څنګه راغلې
داسې په منډه راغلې
داسې په منډه راغلې
يو صلاح کار راته
بابا صلاح راکړه
بابا صلاح راکړه
وې چې پښتو به وژنو
دا زړه شوې ده اوس
دا زړه شوې ده اوس
نن د پښتو قضا ده
خپل پښتانه ئې وژنې
خپل پښتانه ئې وژنې
بابا تپوس کومه
ما له جواب راکړه
ما له جواب راکړه
خوا کښې رحمان هم ناست وٶ
کروړ بختيار هم موجود وٶ
کروړ بختيار هم موجود وٶ
حميد ،ذمند ، لوانړې
هم ابدالى او هوتک
هم ابدالى او هوتک
بختيار ، حافظ ،على خان
ورسره پيري روښان
ورسره پيري روښان
بابا خالد هم ناست وٶ
ورسره نور څو کسان
ورسره نور څو کسان
ټولو چاپير وکتل
او حيرانئ يوړل
او حيرانئ يوړل
بيا ټولو ما ته وکتل
ما نه ئې پوښتنه وکړه
ما نه ئې پوښتنه وکړه
ولى پښتون ختم شو؟
زمونږه نوم ختم شو؟
زمونږه نوم ختم شو؟
ما په خوله هيڅ اونه وې
يو څو سلګۍ مې وکړې
يو څو سلګۍ مې وکړې
ټول راتر غاړه وتل
زه ئې په خوا پورى کړم
زه ئې په خوا پورى کړم
دا دلاسه ئې راکړه
بچيه مه ويريږه
بچيه مه ويريږه
پښتو به څنګه مړه شې؟
پښتو به څوک ووژنې؟
پښتو به څوک ووژنې؟
بابا ويل ورشه بچى
ته ورته داسى وايه
ته ورته داسى وايه
لا د خټکو غرونه
د پښتنو نه ډک دي
د پښتنو نه ډک دي
د هر خټک په قلم
کښې د پښتو چغه ده
کښې د پښتو چغه ده
د يوسفزو په ورشو
لا د پښتو نغمه ده
لا د پښتو نغمه ده
د اباسين چپو کښې
لا د پښتو ټپه ده
لا د پښتو ټپه ده
هشتنغر ميرو کښې
غيور پښتون اباد دي
غيور پښتون اباد دي
لا د جيندې په ګودر
کښې د پښتو غزل دې
کښې د پښتو غزل دې
لا د خيبر د څوکو
د پښتو غږ راخيژې
د پښتو غږ راخيژې
د هر ګړنګ نه ئې لا
هنګ د غزل اورمه
هنګ د غزل اورمه
د ملاکنډ درو کښې
دي ننګيالې پښتانه
دي ننګيالې پښتانه
په سر ئې جګې شملې
په پښتو سر ورکوې
په پښتو سر ورکوې
لا افريدي شينواري
او ملا ګورى پښتون
او ملا ګورى پښتون
پښتو غيرت ګڼې
په پښتو ځان وژنې
په پښتو ځان وژنې
لا بنوڅې او مروت
کړى د پښتو سره پت
کړى د پښتو سره پت
لا خو خليل ژوندي دي
لا خو مهمند مړه نه دې
لا خو مهمند مړه نه دې
چې د چترال نه واخلې
شته تر بولانه پښتو
شته تر بولانه پښتو
لا د چمن او کويټې
کوڅو کوڅو کښې پښتو
کوڅو کوڅو کښې پښتو
په قندهار کښې پښتو
شته ننګرښار کښې پښتو
شته ننګرښار کښې پښتو
هم په هلمند کښې پښتو
هم په هرات کښې پښتو
هم په هرات کښې پښتو
تر امو سينده پورې
افغانستان کښې پښتو
افغانستان کښې پښتو
پښتو رسيږې بچى
د نړۍ هرې خوا ته
د نړۍ هرې خوا ته
هله ورځه بچيه
ته ورته داسې وايه
ته ورته داسې وايه
چې د پښتون د قبر
يوه خازه باقې وې
يوه خازه باقې وې
پښتو به هم باقې وې
پښتون به هم باقې وې
پښتون به هم باقې وې
او د سرور د قلم
ليکل به هم باقې وې؛؛؛
ليکل به هم باقې وې؛؛؛
No comments