ستا پۀ پښتو کښی بل څۀ شتې او کــــۀ نه

غزل ـــــــــــــــــــــــــــــــــ ارشـد قمــر

خوا  له  راتلو  کښې  بل  څۀ  شتې  او  کۀ  نه
په دے خوږو  کښې  بل  څۀ  شتې  او  کــۀ  نه

تا  چې   ازغي   غوښــتل    نو      اوټوکــــيدل
اوس   دې   ورشو  کښی  بل څۀ شتې او کۀ نه

زاړه   خوبونه   لاشــــــــــــعور   کښې    پالـــم
ستړے مازغو کښی بل څۀ  شتـې  او   کــۀ   نه

تۀ   يې   په   نوم   خپلــــــــــه    روزنه   کـوې
ستا پۀ پښتو کښی بل څۀ  شتې   او   کــــۀ   نه

د   شنو   خالـونو   تش   د    شونډو  ذکـــــــــر
پۀ   دے   ټپو   کښې   بل   څۀ  شتې او کــۀ نه

تشی   نعرې   دی   د   خپل   ځــــــــان  بقا  ده
کۀ دے نعرو کښې بل   څه  شتې  او   کـــۀ   نه

يو   ستا   ښائست   دے   خۀ  پۀ جار يې سـتايم
زمــــــــا   نغمو   کښې   بل   څۀ  شتې او کۀ نه

کـــــۀ   څۀ   سبق   ؤ   نو   پيرزو  يې کــړلــــو
پۀ   حادثو   کښې   بل   څۀ   شتې او کـــــــۀ نه

ارشــده   ژوند   د      مداری    بیـــــــــان  دے
په دے قیصو کښی  بل   څۀ   شتې   او  کۀ  نه