کوا حلال اور ہماری میڈیا

  (۔۔۔۔۔( شمس مومند
اسلامی تاریخ کا وہ مشہور واقعہ تو اکثر قارئین کو یاد ہوگا ، کہا جاتا ہے کہ جب دشمن کی فوجیں بغداد پر یلغار کر رہی تھی تو اس وقت وہاں کے علماٗ آپس میں اس بات پر مناظرہ کرنے میں مصروف تھے کہ کوا حلال ہے یا حرام ۔۔۔۔۔۔۔۔۔۔۔۔ کوا نہ حلال ہوا نہ حرام مگر بغداد فتح ہوا اور کسی نے مزاحمت تک نہیں کی۔۔۔۔۔
آج بالکل وہی مثال پاکستانی میڈیا کے کوا نما (نہایت معذرت کیساتھ) انکرز پر صادق آتی ہے۔۔۔۔۔۔۔۔۔۔۔۔ کیونکہ اندرونی اور بیرونی خطرات پاکستان کے دروازے پر دستک دے رہے ہیں۔۔۔۔۔ ناکام پالیسیوں نے ملک کا بیڑا غرق کردیا ہے۔۔۔۔۔ معیشت تباہ اور سیاسی عدم استحکام نے اداروں تک کو کھوکھلا بنادیا ہے۔۔۔۔۔۔۔ بے روزگاری سے لوگ خود کشیاں کرنے پر مجبور ہیں۔۔۔۔۔۔۔۔۔۔۔۔ لیکن گزشتہ دو روز سےہماری تمام م الیکٹرانک میڈیا کے نامی گرامی انکرز صرف اس نان ایشو پر کوے کی ح ٹائیں ٹائیں کر رہے ہیں کہ شہباز شریف نے پولیس افسران کے حق میں تالیاں کیوں بجوائی۔۔۔۔۔ ہائے افسوس ۔۔۔۔۔۔۔ کہا جاتا ہے کہ خدا جب چیونٹی کو قہر کی نظر سے دیکھتا ہے تو اسے پر دیتا ہے اور اس طرح وہ خود اڑ کر اپنے آپ کو آگ میں ڈلوا دیتی ہے
شاید یہی حال آج کل ہمارے معاشرے کا ہے۔۔۔۔۔۔۔۔۔۔۔۔۔ جنرل مشرف نے قوم کی تعلیم ، نبض اور ظرف کو جانچے بغیر میڈیا کو تعلیم یافتہ و باشعور یورپ و امریکہ سے زیادہ آزادی دی۔۔۔۔۔۔۔ آج ہم اپنی حیثیت کے مطابق ذاتی سیاسی اور گروہی مفادات کیلیے ایک دوسرے کو بھنبوڑ رہے ہیں ۔۔۔ ایک دوسرے کو ننگا کر رہے ہیں۔۔۔۔۔ میڈیا کی آزادی نے قوم کو طاقتور اور متحد کرنے کی بجائے کمزور اور منتشر کردیا ہے۔۔۔۔۔۔۔۔۔ اور اگر نام نہاد پڑھے لکھے انکرز صاحبان کا یہ وطیرہ جاری رہا تو تنزل اور تباہی کی جانب ہمارا معاشرتی سفر اور تیز ہوگا۔۔۔۔۔۔۔۔۔۔۔۔ اللہ کی پناہ ۔۔۔۔۔۔۔۔۔۔۔۔