،، چې دې خپل وطن ته ګورم،،

(مراد لایٔق)

چې   دې   خپل   وطن   ته   ګورم
هر   طرف   شور   او   غوغا   ده
د   هر  چا    سترګو   کې او ښکې
د   هر   چا   خوله    کې   ژړا  ده

چې    دې    خپل   وطن   ته ګورم
په    هر    خوا    بلې   لمبې   دي
هيڅ    سکون    او     قرار  نشته
د   حـــالاتــــو       زلــــز لې   دي

چې     دې    خپل    وطن ته ګورم
وينې،    ويـــنې    دي  بهـــــــيږي
انــــتها    د     ظــــلم   ګــــــــــوره
کربلا    دې     پـــــرې   هيـــريږي

چې    دې    خپل    وطن  ته ګورم
د    ټـــوپـــک    ژبــــــه  ګـــويانه
د    قــــلم     ژبه   ګــــونــــګۍ ده
علميـــت     دى    ډيــــــر  ناتوانه

چې    دې    خپل    وطن  ته ګورم
په     هر   ځاى  چور او تالان دى
ځان    محفوظ    نه  ښکاري چاته
هر   څوک   ژوند پورې حيران دى

چې     دې    خپل   وطن   ته ګورم
خوار،   غريب    غرق او برباد دى
چې    سرونو     باندې    پښې ږدي
نو     هــــغه     ښـــــاد  او  اباد دى

چې    دې     خپل     وطن  ته ګورم
بس     ســــــــيالي     د   جهالت ده
پکې     حسن     سلوک   ورک دى
ابۍ     مـــړه     د    انــــسانيت  ده

چې     دې     خپل    وطن ته ګورم
له     يــو   ،   بلـــه مـــړه خـــوا يو
له     يــو ،   بلـــه    جدا خــوښ يو
ځــــکه     داســـې    بـــې    نوا  يو

Show More Reactions